Sport

Kostar 305 þúsund krónur að sjá Gunnar í návígi

Gunnar Nelson í búrinu.
Gunnar Nelson í búrinu. vísir/getty
Stærsta bardagakvöld ársins fer fram þann 11. júlí næstkomandi í Las Vegas. Kvöldið er haldið á MGM Grand-hótelinu og er pláss fyrir hátt í 17 þúsund manns í salnum.

Aðalnúmer kvöldsins er Írinn og Íslandsvinurinn Conor McGregor en hann berst um titilinn í fjaðurvigt við Brasilíumanninn Jose Aldo.

Gunnar Nelson verður einnig á meðal keppenda á þessu risakvöldi en hann mun þreyta frumraun sína í Bandaríkjunum gegn Englendingnum John Hathaway.

Miðar á þetta risakvöld eru ekki ókeypis. Ef fólk vill sitja niðri á gólfi og vera í návígi við búrið þá kostar miðinn litlar 305 þúsund krónur.

Ef menn hafa almennt ekki efni á því þá er hægt að fá sæti þar fyrir aftan á 100-150 þúsund krónur. Þeir sem sætta sig við að vera bara á staðnum og fylgjast með upp í rjáfri þurfa að greiða fyrir það 55 þúsund krónur.

MMA

Tengdar fréttir

Þetta verður geðveikt kvöld í Vegas

Gunnar Nelson er á leið í tveggja mánaða æfingabúðir í Las Vegas ásamt Conor McGregor og fleiri félögum þeirra. Gunnar berst við Englendinginn John Hathaway 11. júlí á stærsta kvöldi ársins, og jafnvel allra tíma, hjá UFC. Gunnar segir Hathaway vera alvör




Fleiri fréttir

Sjá meira


×