Konan sem kyndir lampana sína Þórdís Lilja Gunnarsdóttir skrifar 9. september 2014 11:15 Dóra Welding er lyfjatæknir og húsfrú á Nesinu. Hún féll óvart kylliflöt fyrir páfuglslampanum og segir hann vera sinn uppáhaldshúsmun. Lampinn á innskotsborði í baksýn er úr Marco og jólastjarnan gleður enn með birtu sinni enda skilur Dóra alltaf eftir svolítið af jólaskrauti á milli hátíða. myndir/gva Frú Dóra Welding er fagurkeri af guðs náð. Í fögru húsi við sæinn blómstrar hún í litadýrð og rökkurbirtu haustsins og kveikir á ótal lifandi og logandi ljósum. Uppáhaldsljósgjafinn er forkunnarfagur páfugl sem minnir á seiðandi sólarlönd og kvakandi fuglasöng. „Páfuglinn varð óvart á vegi mínum þegar ég laumaðist í uppáhaldsbúðina mína sem er Heimili & hugmyndir á Suðurlandsbraut. Ég má helst ekki fara þangað inn og varð auðvitað friðlaus því ég er svo hrifin af fuglum,“ segir Dóra, sem daginn eftir fyrstu kynni við páfuglslampann fór og festi á honum kaup. „Ég taldi mér trú um að ég yrði að eignast blessaðan fuglinn enda hefur hann engan svikið og er uppáhaldshúsmunurinn minn og ofboðslega fallegur. Ég sit oft í dimmunni og stari á hann í vantrú yfir því að hann sé minn,“ segir Dóra sem kolféll fyrir íburðarmiklu stélinu og litnum sem passar vel við innviði heimilisins. „Páfuglinn vekur ómælda athygli gesta og frá lampanum stafar töfrandi birta sem sendir heillandi bjarma upp í hátt stofuloftið. Þetta er svona ekta Homes & Gardens-lampi sem maður sér stundum punta dýrindis spænskar villur og er sannkölluð heimilisprýði.“Saknar Fríðu frænku Haustið er eftirlætisárstími Dóru; þegar rómantísk birtuskilyrðin kalla á lokkandi lampabirtu og blikandi kertaljós. „Ég á þó nokkra lampa og er hrifnust af stórum og bosmamiklum hlunkum sem líka eru mublur. Á heimilinu eru sárafá loftljós en þeim mun fleiri vegg- og borðlampar og mér þykir gaman að setja lampa á hina skrítnustu staði, eins og á eldhúsborðið og á baðherbergið,“ segir Dóra í hlýlegu og heimilislegu húsi sínu. „Stíllinn hér heima er blanda af nýju og gömlu og get ég beinlínis grenjað yfir fallegri antík. Ég sé því mikið eftir Fríðu frænku því eftirlætistómstundaiðjan mín var að hangsa þar í klukkutíma síðdegis og gramsa í gömlum hlutum.“ Þessar tvær grænu skipstjóraluktir fékk Dóra úr gömlu dánarbúi. Búið er að gera ótal eftirlíkingar af sams konar olíulömpum en þetta er upprunaleg hönnun og búið að leiða rafmagn í gegnum þungan koparinn. Lýsingin er dáleiðandi fögur þegar rökkvar og skapar notalega stemningu heima við.Lampi úr skeljum og steinum Innanhússhönnun er Dóru í blóð borin og er lýsing, ásamt styttum og glingri áhugamál númer eitt. „Falleg birta skiptir öllu til að skapa rétt flæði á heimilum. Hugguleg birta hefur áhrif á stemningu og vellíðan og allt þarf það að vera í réttu samhengi. Þannig göngum við hjónin á eftir hvort öðru og skiptumst á að kveikja og slökkva því hann ber lítið skynbragð á uppröðun lampa og birtu á meðan ég vil hafa allt uppljómað og í réttri uppröðun,“ segir Dóra hláturmild. Hún segir enda fullt starf að kveikja og slökkva á allri ljósadýrðinni á degi hverjum. „Ef ég er með heimboð þarf ég helst að fá aðstoð í klukkustund á undan til að kveikja á öllum kertunum og lömpunum sem kúra í styttu- og myndaflóði hér og þar um húsið. Það er líka hörkuvinna að halda þessu öllu skínandi hreinu og glampandi.“ Dóra er í essinu sínu um þessar mundir og segist titra af vellíðan þegar rökkva fer. „Þá tek ég upp tuskuna til að þurrka af og tala við dótið mitt því ég elska að dunda mér heima og hlúa að heimilinu.“ Í bígerð er fyrsti lampinn úr hugarfylgsnum Dóru. „Mig dreymir um að hanna eigin standlampa úr skeljum og steinum, í rjómalit og gráu, til að hafa inni á baði. Ég er nú þegar byrjuð að tína í hann efnivið þegar ég fer fjöruleiðina með hundana mína.“ Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Ekki lengur smeykur við að deila kastljósinu með Katrínu Lífið Japaninn sló heimsmet í Hlíðarfjalli Lífið Lekker hæð listakonu til sölu Lífið „Elska að hafa skipulagt kaos“ Tíska og hönnun Jón Jónsson selur glæsihús á Seltjarnarnesi Lífið „Stundum finnst mér ég getað sigrað heiminn“ Lífið Björgólfur og Skúli í stuði í Feneyjum Lífið Suzuki mun flytja inn í höll Björgólfs Lífið Fleiri fréttir „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ „Martröð“ að spila í of síðu goth pilsi Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Sjá meira
Frú Dóra Welding er fagurkeri af guðs náð. Í fögru húsi við sæinn blómstrar hún í litadýrð og rökkurbirtu haustsins og kveikir á ótal lifandi og logandi ljósum. Uppáhaldsljósgjafinn er forkunnarfagur páfugl sem minnir á seiðandi sólarlönd og kvakandi fuglasöng. „Páfuglinn varð óvart á vegi mínum þegar ég laumaðist í uppáhaldsbúðina mína sem er Heimili & hugmyndir á Suðurlandsbraut. Ég má helst ekki fara þangað inn og varð auðvitað friðlaus því ég er svo hrifin af fuglum,“ segir Dóra, sem daginn eftir fyrstu kynni við páfuglslampann fór og festi á honum kaup. „Ég taldi mér trú um að ég yrði að eignast blessaðan fuglinn enda hefur hann engan svikið og er uppáhaldshúsmunurinn minn og ofboðslega fallegur. Ég sit oft í dimmunni og stari á hann í vantrú yfir því að hann sé minn,“ segir Dóra sem kolféll fyrir íburðarmiklu stélinu og litnum sem passar vel við innviði heimilisins. „Páfuglinn vekur ómælda athygli gesta og frá lampanum stafar töfrandi birta sem sendir heillandi bjarma upp í hátt stofuloftið. Þetta er svona ekta Homes & Gardens-lampi sem maður sér stundum punta dýrindis spænskar villur og er sannkölluð heimilisprýði.“Saknar Fríðu frænku Haustið er eftirlætisárstími Dóru; þegar rómantísk birtuskilyrðin kalla á lokkandi lampabirtu og blikandi kertaljós. „Ég á þó nokkra lampa og er hrifnust af stórum og bosmamiklum hlunkum sem líka eru mublur. Á heimilinu eru sárafá loftljós en þeim mun fleiri vegg- og borðlampar og mér þykir gaman að setja lampa á hina skrítnustu staði, eins og á eldhúsborðið og á baðherbergið,“ segir Dóra í hlýlegu og heimilislegu húsi sínu. „Stíllinn hér heima er blanda af nýju og gömlu og get ég beinlínis grenjað yfir fallegri antík. Ég sé því mikið eftir Fríðu frænku því eftirlætistómstundaiðjan mín var að hangsa þar í klukkutíma síðdegis og gramsa í gömlum hlutum.“ Þessar tvær grænu skipstjóraluktir fékk Dóra úr gömlu dánarbúi. Búið er að gera ótal eftirlíkingar af sams konar olíulömpum en þetta er upprunaleg hönnun og búið að leiða rafmagn í gegnum þungan koparinn. Lýsingin er dáleiðandi fögur þegar rökkvar og skapar notalega stemningu heima við.Lampi úr skeljum og steinum Innanhússhönnun er Dóru í blóð borin og er lýsing, ásamt styttum og glingri áhugamál númer eitt. „Falleg birta skiptir öllu til að skapa rétt flæði á heimilum. Hugguleg birta hefur áhrif á stemningu og vellíðan og allt þarf það að vera í réttu samhengi. Þannig göngum við hjónin á eftir hvort öðru og skiptumst á að kveikja og slökkva því hann ber lítið skynbragð á uppröðun lampa og birtu á meðan ég vil hafa allt uppljómað og í réttri uppröðun,“ segir Dóra hláturmild. Hún segir enda fullt starf að kveikja og slökkva á allri ljósadýrðinni á degi hverjum. „Ef ég er með heimboð þarf ég helst að fá aðstoð í klukkustund á undan til að kveikja á öllum kertunum og lömpunum sem kúra í styttu- og myndaflóði hér og þar um húsið. Það er líka hörkuvinna að halda þessu öllu skínandi hreinu og glampandi.“ Dóra er í essinu sínu um þessar mundir og segist titra af vellíðan þegar rökkva fer. „Þá tek ég upp tuskuna til að þurrka af og tala við dótið mitt því ég elska að dunda mér heima og hlúa að heimilinu.“ Í bígerð er fyrsti lampinn úr hugarfylgsnum Dóru. „Mig dreymir um að hanna eigin standlampa úr skeljum og steinum, í rjómalit og gráu, til að hafa inni á baði. Ég er nú þegar byrjuð að tína í hann efnivið þegar ég fer fjöruleiðina með hundana mína.“
Mest lesið Sjö hættulegar gryfjur fyrir hjón og pör að falla í Áskorun Heyrt kjaftasögurnar um eldri mennina sem stýri henni Lífið Ekki lengur smeykur við að deila kastljósinu með Katrínu Lífið Japaninn sló heimsmet í Hlíðarfjalli Lífið Lekker hæð listakonu til sölu Lífið „Elska að hafa skipulagt kaos“ Tíska og hönnun Jón Jónsson selur glæsihús á Seltjarnarnesi Lífið „Stundum finnst mér ég getað sigrað heiminn“ Lífið Björgólfur og Skúli í stuði í Feneyjum Lífið Suzuki mun flytja inn í höll Björgólfs Lífið Fleiri fréttir „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ „Martröð“ að spila í of síðu goth pilsi Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Sjá meira