Innlent

Komust ekki úr bíl sem hafnaði á hvolfi ofan í skurði

Birgir Olgeirsson skrifar
Frá aðgerðum brunavarna Árnessýslu í morgun.
Frá aðgerðum brunavarna Árnessýslu í morgun. Brunavarnir Árnessýslu.
Brunavarnir Árnessýslu birta myndir af bílslysi sem átti sér stað á milli Hveragerðis og Selfoss rétt fyrir klukkan níu í morgun.

Er greint frá því á Facebook-síðu Brunavarna Árnessýslu að afleit færð hafi verið á Suðurlandsvegi á þessum tíma, krapi og talsverð ofankoma.

Atvikaðist slysið með þeim hætti að ökumaður missti stjórn á bifreiðinni vegna krapa á veginum og endaði hann utan vegar á toppnum ofan í skurði.

Tveir menn voru í bílnum og komust þeir ekki út af sjálfsdáðum vegna legu bifreiðarinnar í skurðinum. Það vildi þeim til happs að ekki var mikið vatn í skurðinum á þessum stað en engu að síður voru þeir blautir og kaldir.

Greiðlega gekk að ná mönnunum út eftir að slökkvilið, lögregla og sjúkraflutningsmenn komu á vettvang. Ökumaður og farþegi voru síðan fluttir með sjúkrabílum Hsu á sjúkrahús til nánari skoðunar en ekki er talið að þeir hafi hlotið alvarleg meiðsl.


Tengdar fréttir




Fleiri fréttir

Sjá meira


×