FIMMTUDAGUR 28. JÚLÍ NÝJAST 23:36

1.700 foringjar í tyrkneska hernum leystir frá störfum

FRÉTTIR

Klúđur hjá Liverpool gegn Sunderland | Sjáđu mörkin

 
Enski boltinn
17:00 06. FEBRÚAR 2016
Defoe fagnar jöfnunarmarki sínu.
Defoe fagnar jöfnunarmarki sínu. VÍSIR/GETTY
Ingvi Ţór Sćmundsson skrifar

Liverpool fór illa að ráði sínu þegar liðið gerði 2-2 jafntefli við Sunderland á Anfield Road í dag.

Mörkin úr leiknum má sjá hér að neðan.

Jürgen Klopp gat ekki stýrt Liverpool í dag vegna botnlangabólgu. Hans menn glutruðu niður tveggja marka forystu á síðustu átta mínútum leiksins og þurftu því að sjá á eftir tveimur stigum.

Roberto Firmino kom Liverpool yfir eftir klukkutíma leik með skalla eftir frábæra fyrirgjöf James Milner. Þetta var fimmta mark Brasilíumannsins á árinu 2016 en hann hefur verið sjóðheitur að undanförnu.

Firmino var ekki hættur því hann lagði upp seinna mark Liverpool fyrir Adam Lallana á 70. mínútu.

Heimamenn virtust ætla að sigla sigrinum örugglega í höfn en Adam Johnsen hleypti spennu í leikinn þegar hann skoraði með skoti beint úr aukaspyrnu á 82. mínútu. Skotið var gott en Simon Mignolet hefði líklega átt að gera betur í marki Liverpool.

Það var svo Jermain Defoe sem tryggði Sunderland stig með fallegu marki mínútu fyrir leikslok.

Liverpool er í 8. sæti deildarinnar með 35 stig en liðið hefur aðeins unnið einn af síðustu fimm deildarleikjum sínum.

Sunderland er enn í 19. og næstneðsta sæti deildarinnar, nú með 20 stig.


Liverpool 1-0 Sunderland

Liverpool 2-0 Sunderland

Liverpool 2-1 Sunderland

Liverpool 2-2 Sunderland
  • Bein lýsing
  • Liđin
  • Tölfrćđi



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Klúđur hjá Liverpool gegn Sunderland | Sjáđu mörkin
Fara efst