Bíó og sjónvarp

Klippti saman brot úr öllum myndum sem hafa verið valdar bestar á Óskarnum

Jóhann Óli Eiðsson skrifar
Úr Gaukshreiðrinu sem var valin besta mynd ársins 1975 og er að sjálfsögðu í samantektinni.
Úr Gaukshreiðrinu sem var valin besta mynd ársins 1975 og er að sjálfsögðu í samantektinni.
Óskarsverðlaunin verða afhent í 88. sinn í lok næsta mánaðar eða þann 28. febrúar nánar til tekið. Þá kemur í ljós hvaða aðilar í kvikmyndabransanum þykja hafa staðið upp úr á árinu sem leið og að sjálfsögðu verður besta kvikmyndin valin.

Maðurinn á bak við Youtube-channelið Burger Fiction hefur í tilefni þess tekið saman stutt myndband sem sýnir stutt brot úr hverri einustu mynd sem staðið hefur uppi sem sigurvegari í flokknum besta kvikmynd. Alveg frá því að Wings hlaut verðlaunin árið 1927 og til ársins í fyrra þegar Birdman bar sigur úr bítum. Myndbandið má sjá hér að neðan.

Burger Fiction hefur klippt saman fjöldan allan af sniðugum myndböndum og má þar á meðal nefna hvert einasta högg sem Jason Statham hefur náð að lenda í gegnum tíðina, öll tækin sem Q hefur framleitt fyrir James Bond og gífurlega langt símtal tekið saman úr símtölum fjölda mynda.

Nú er bara spurningin hvort það verði The Big Short, Bridge of Spies, Brooklyn, Max Max: Fury Road, The Martian, The Revenant, Room eða Spotlight sem bætist við samantektina þann 28. febrúar.


Tengdar fréttir






Fleiri fréttir

Sjá meira


×