Erlent

Klámleikkona segir Trump hafa boðið sér fé fyrir mök

Samúel Karl Ólason skrifar
Frá blaðamannafundi Jessica Drake fyrr í kvöld.
Frá blaðamannafundi Jessica Drake fyrr í kvöld. Vísir/AFP
Klámleikkonan Jessica Drake segir Donald Trump, forsetaframbjóðanda Repúblikanaflokksins, hafa kysst sig og boðið sér tíu þúsund dali og afnot af einkaþotu sinni árið 2006. Hún hélt blaðamannafund nú í kvöld með lögmanni sínum þar sem hún fór yfir sína sögu.

Rúmlega tíu konur hafa nú stigið fram á undanförnum vikum og sakað Trump um að hafa brotið gegn sér. Hún segir Trump hafa kysst sig og boðið sér tíu þúsund dali fyrir mök árið 2006 þegar þau hittust á golfmóti í Kaliforníu.

Drake lýsti þessu yfir með lögmanni sínum nú í kvöld.

„Rangar og fáránlegar“ ásakanir

Framboð Donald Trump segir ásakanirnar vera „rangar og fáránlegar“. Fyrr í dag sagðist Trump ætla að höfða mál gegn öllum konunum sem hafa sakað hann um kynferðisbrot eða óviðeigandi hegðun.

Eins og áður segir hafa rúmlega tíu konur stigið fram með svipaðar ásakanir á undanförnum vikum og gerðu það allar eftir að myndband frá árinu 2005 var birt í fjölmiðlum. Þar stærði Trump sig af því að kyssa konur og að hann gæti „gripið í píkurnar“ á þeim í skjóli frægðar sinnar.

Framboð Donald Trump segir ásakanirnar vera „rangar og fáránlegar“. Fyrr í dag sagðist Trump ætla að höfða mál gegn öllum konunum sem hafa sakað hann um kynferðisbrot eða óviðeigandi hegðun. Frá því að 

Drake segir að Trump hafi beðið hana um að koma í hótelsvítu sína eftir golfmótið. Henni fannst óþægilegt að fara ein og tók tvær vinkonur sínar með sér. Hún segir Trump hafa faðmað þér mjög þétt þegar þær komu og kysst sig án leyfis.

Hún segir þær vinkonurnar hafa yfirgefið svítuna eftir um hálftíma. Skömmu seinna hafi hún fengið símtal frá manni sem hafi sagst vera að hringja fyrir Donald Trump og beðið hana um að koma aftur til hans. Því hafi hún neitað.

„Þá hringdi Donald. Hann bað mig um að koma aftur í svítuna sína og borða með honum og hann bauð mér einnig í samkvæmi.“ Þegar hún neitaði því segir hún að Trump hafi sagt: „Hvað viltu? Hve mikið?“

Segist hafa fengið boð um afnot af einkaþotu

Því næst fékk hún annað símtal en hún er ekki viss hvort það var Trump eða maðurinn sem hringdi áður. Drake segir hann hafa boðið sér tíu þúsund dali fyrir mök. Hún segist hafa neitað því og að hún hafi þurft að fara til Los Angeles snemma morguninn eftir. Þá hafi maðurinn boðið henni afnot af einkaþotu Donald Trump.

Til stuðnings máls síns var Drake með mynd af sér og Trump sem var tekin á golfmótinu árið 2006.

Huffington Post segir Jessicu Drake vera tólftu konuna sem stígur fram með álíka ásakanir á undanförnum vikum. Guardian segir þær hins vegar vera ellefu. LA Times segir einnig ellefu.

Eins og áður segir þvertekur Donald Trump fyrir að atvikið hafi átt sér stað og segir þessa ásökun, sem og allar hinar, vera verk Hillary Clinton og framboðs hennar til að varpa rýrð á Trump. Hann segist ekki muna eftir að hafa hitt Drake og að hann hefði aldrei haft áhuga á að kynnast henni.

Í tilkynningu frá framboði hans segir að myndin sem Drake sýndi sanni ekki neitt. Í gegnum tíðina hafi hann orðið við þúsundum beiðna fólks um að fá að taka mynd með honum.


Tengdar fréttir

Óljóst hverjum lekarnir eiga að þjóna

Wikileaks er meiri ógn en Donald Trump við framboð Hillary Clinton það sem eftir er af kosningabaráttunni vestra en óljóst er hvort leki á tölvupóstum tengdum henni sé gerður með hagsmuni almennings í huga.

Fátt kemur í veg fyrir sigur Clinton

Donald Trump hefur ekki getað nýtt sér þrennar sjónvarpskappræður til að bæta stöðu sína. Bilið á milli hans og Hillary Clinton breikkar jafnt og þétt. Kappræðurnar milli forsetaefnanna hafa allar verið hatrammar. Kosið verður 8. nóvember.




Fleiri fréttir

Sjá meira


×