Lífið

Kjarkurinn kemur með víninu

Gunnhildur Jónsdóttir skrifar
Eygló, Sara og Ebba Konubörn gáfu út lag á dögunum um djammmenninguna á Íslandi.
Eygló, Sara og Ebba Konubörn gáfu út lag á dögunum um djammmenninguna á Íslandi. mynd/aðsend
Þær Eygló Hilmarsdóttir, Ebba Katrín Finnsdóttir og Sigurlaug Sara Gunnarsdóttir gáfu fyrr í viku út frumsamið lag á Youtube.

Þær eru partur af leikhópnum Konubörn, sem ber sama nafn og leiksýning sem þær settu á svið í Gaflaraleikhúsinu í vetur.

Lagið sömdu þær hittust og voru að hlæja að uppákomum helgarinnar sem virðast vera ansi algengar hjá unga fólki landsins. „Þessi íslenska djammmenning á Íslandi er mjög fyndin. Fyrir marga er hún eina tækifærið til þess að komast á séns. Kjarkurinn kemur með víninu. Ein okkar fékk sms eftir djammið um helgina og okkur fannst svo fyndið hversu skrítið en algengt það er,“ segir Ebba Katrín.

Konubörn Taka á málum sem koma öllum konubörnum við.fréttablaðið/Stefán
Þær sömdu lagið, tóku það upp og deildu því á netið, allt á um það bil klukkutíma. Lagið hefur vakið mikla lukku. „Ég held að það séu mjög margir sem tengja við þetta og þess vegna finnst fólki þetta fyndið og fílar þetta.“

Þessa dagana er leikhópurinn í Konubörnum að skrifa handrit af sjónvarpsþáttum. „Við getum ekki verið mikið að tala um það núna en þetta mun allt saman koma í ljós á næstu vikum. Við erum mjög spenntar fyrir þessu og það er gaman að geta unnið aftur saman,“ segir Eygló. 

Sýningin Konubörn tóku skemmtilegan pól í hæðina í málefnum sem stelpur sem eru ekki lengur börn en samt ekki orðnar konur glíma við á hverjum degi. „Við tökum á raunveruleikanum eins og við upplifum hann og svo margir aðrir sem eru á okkar aldri.“ 


Tengdar fréttir

Hvenær verður stelpa kona?

Leikritið Konubörn er samið af sex ungum konum og fjallar um tilvist ungra kvenna í íslensku samfélagi.






Fleiri fréttir

Sjá meira


×