Kíktu í te til Lísu og Matta hattara Magnús Guðmundsson skrifar 27. maí 2015 12:30 Sverrir Guðjónsson syngur hlutverk Matta hattara og efnir til teboðs að loknum tónleikunum á laugardaginn. Visir/Stefán „Það hefur verið merkilega langur vegur að vinna að þessu verkefni. Í raun má segja að óperuverkefnið sjálft hafi farið í gang fyrir þremur árum en það er líka talsvert meira mál að semja heila óperu en flestir gera sér grein fyrir,“ segir Sverrir Guðjónsson óperusöngvari og jafnframt framleiðandi verkefnisins Furðuveröld Lísu, ævintýraheimur óperunnar – verkefni í vinnslu. Burðarstoð verkefnisins er ópera eftir John A. Speight og Böðvar Guðmundsson sem byggð er á hinni víðfrægu sögu Lewis Carroll, Lísu í Undralandi.Íslensk ópera „Í raun má rekja upphaf þessa verkefnis til þess þegar við John vorum báðir að syngja í óperunni Maður lifandi í Borgarleikhúsinu eftir Karólínu Eiríksdóttur. Þá vorum við oft að skemmta okkur við að henda á milli okkar hugmyndum. En þá kom líka í ljós að John var búinn að ganga með þetta verkefni í maganum í nokkurn tíma. Þegar hann fékk svo listamannalaun þá myndaðist ákveðinn grunnur til þess að það væri hægt að koma þessu af stað og hann byrjaði að vinna. Hins vegar þá vantaði hann textaskáld þannig að ég tók að mér að halda utan um verkefnið. Í framhaldinu þá hafði ég samband við Böðvar Guðmundsson rithöfund og hann kom fljótlega inn í verkefnið. Málið er að það er afskaplega ólíkt að skrifa liberetto og annan texta. En Böðvar hefur þessa reynslu og breiðu færni og eftir að hann byrjaði að vinna þá fundum við John að þetta gæti farið í gang fyrir alvöru og orðið að veruleika. John varð strax mjög hrifinn af því efni sem kom frá Böðvari og setti þessa vinnu í forgang.“Ævintýraveröld Eins og Sverrir bendir á þá er þetta verkefni ekki að fara alveg hefðbundnu leiðina frá höfundum til óperuhúss en þau sem að þessu koma hafi verið ákveðin í að láta það þó ekki stöðva sig. „Nei, því miður þá virðist vera lítill áhugi hérlendis fyrir nýjum óperum. Þannig að ég fór þá leið að vinna verkefnið með Myndlistarskólanum í Reykjavík. Við vildum gefa ungu fólki kost á því að vinna með okkur að þessu og við það myndaðist þetta hliðarverkefni sem er sýningin í Listasafni Einars Jónssonar. Af því tilefni sömdu Böðvar og John saman kórverk sem fjallar um ímyndunarafl og sköpunarkraft, þetta inntak Lísu í Undralandi, og það var frumflutt við opnun sýningarinnar þar sem nemendur hafa svo sannarlega skapað mikla ævintýraveröld út frá verkinu. Þriðja afurð verkefnisins er svo listasmiðja fyrir ungt fólk sem verður boðið upp á án endurgjalds í Listasafni Einars Jónssonar næsta sunnudag. Það er verkefni sem væri gaman að vinna áfram næsta haust en það veltur kannski aðeins á því að Myndlistarskólinn fái fjármögnun til þess. Aðalástæðan fyrir því að við höfum farið þessa leið er að við vildum ná sambandi við ungt fólk með þetta verkefni. Kynna aðeins fyrir því undraheim þessarar tónlistar sem er dálítið meira krefjandi en það sem flestir krakkar eru að hlusta á dags dagslega. Fá þau til þess að leggja frá sér símann og vera með okkur í þessu og mér sýnist það hafa tekist alveg ljómandi vel.“Te með Matta hattara Sverrir er einnig einn þeirra söngvara sem koma til með að flytja hluta úr óperunni sem er í raun enn verk í vinnslu. „John hefur alveg frá upphafi verið að semja fyrir ákveðnar raddir. Hlutverk Lísu er þannig samið fyrir Þóru Einarsdóttur og hlutverk Matta hattara fyrir mig og við erum bæði fyrst og fremst óperusöngvarar. Hins vegar var John á því að hann vildi fá djasssöngkonu til þess að syngja Köttinn brosandi. Ég lagði til að fá Kristjönu Stefánsdóttur til þess að taka þetta að sér og hún gerir það auðvitað alveg frábærlega. Það verða fluttir hlutar úr verkinu næsta laugardag kl. 17 í listasafni Einars Jónssonar sem hefur tekið okkur afskaplega vel og við erum mjög þakklát fyrir það. Að loknum tónleikunum verður gestum líka boðið í te að hætti Matta hattara svo þetta verður vonandi skemmtileg reynsla fyrir okkur öll. Á næsta ári stefnum við svo að því að vera með tónleikauppfærslu á óperunni á Listahátíðinni í Reykjavík en þá fer fram annar hluti sömu hátíðar.“ Listahátíð í Reykjavík Menning Mest lesið Nígeríusvindlarinn reyndist vera bróðir hans Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið Talin ólíklegust til að komast áfram Lífið Arkitekt dýrasta húss Íslandssögunnar selur í Fossvogi Lífið Ási selur íbúðina eftir sambandsslitin Lífið „Ekki lengur þræll þess að finnast ég ekki nóg“ Lífið Nýbökuðu hjónin kíktu í kaffi til Guðna Lífið Bauð öllum bæjarbúum í matarboð Lífið Missti allar tærnar þrjátíu árum eftir að konan skar undan honum Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira
„Það hefur verið merkilega langur vegur að vinna að þessu verkefni. Í raun má segja að óperuverkefnið sjálft hafi farið í gang fyrir þremur árum en það er líka talsvert meira mál að semja heila óperu en flestir gera sér grein fyrir,“ segir Sverrir Guðjónsson óperusöngvari og jafnframt framleiðandi verkefnisins Furðuveröld Lísu, ævintýraheimur óperunnar – verkefni í vinnslu. Burðarstoð verkefnisins er ópera eftir John A. Speight og Böðvar Guðmundsson sem byggð er á hinni víðfrægu sögu Lewis Carroll, Lísu í Undralandi.Íslensk ópera „Í raun má rekja upphaf þessa verkefnis til þess þegar við John vorum báðir að syngja í óperunni Maður lifandi í Borgarleikhúsinu eftir Karólínu Eiríksdóttur. Þá vorum við oft að skemmta okkur við að henda á milli okkar hugmyndum. En þá kom líka í ljós að John var búinn að ganga með þetta verkefni í maganum í nokkurn tíma. Þegar hann fékk svo listamannalaun þá myndaðist ákveðinn grunnur til þess að það væri hægt að koma þessu af stað og hann byrjaði að vinna. Hins vegar þá vantaði hann textaskáld þannig að ég tók að mér að halda utan um verkefnið. Í framhaldinu þá hafði ég samband við Böðvar Guðmundsson rithöfund og hann kom fljótlega inn í verkefnið. Málið er að það er afskaplega ólíkt að skrifa liberetto og annan texta. En Böðvar hefur þessa reynslu og breiðu færni og eftir að hann byrjaði að vinna þá fundum við John að þetta gæti farið í gang fyrir alvöru og orðið að veruleika. John varð strax mjög hrifinn af því efni sem kom frá Böðvari og setti þessa vinnu í forgang.“Ævintýraveröld Eins og Sverrir bendir á þá er þetta verkefni ekki að fara alveg hefðbundnu leiðina frá höfundum til óperuhúss en þau sem að þessu koma hafi verið ákveðin í að láta það þó ekki stöðva sig. „Nei, því miður þá virðist vera lítill áhugi hérlendis fyrir nýjum óperum. Þannig að ég fór þá leið að vinna verkefnið með Myndlistarskólanum í Reykjavík. Við vildum gefa ungu fólki kost á því að vinna með okkur að þessu og við það myndaðist þetta hliðarverkefni sem er sýningin í Listasafni Einars Jónssonar. Af því tilefni sömdu Böðvar og John saman kórverk sem fjallar um ímyndunarafl og sköpunarkraft, þetta inntak Lísu í Undralandi, og það var frumflutt við opnun sýningarinnar þar sem nemendur hafa svo sannarlega skapað mikla ævintýraveröld út frá verkinu. Þriðja afurð verkefnisins er svo listasmiðja fyrir ungt fólk sem verður boðið upp á án endurgjalds í Listasafni Einars Jónssonar næsta sunnudag. Það er verkefni sem væri gaman að vinna áfram næsta haust en það veltur kannski aðeins á því að Myndlistarskólinn fái fjármögnun til þess. Aðalástæðan fyrir því að við höfum farið þessa leið er að við vildum ná sambandi við ungt fólk með þetta verkefni. Kynna aðeins fyrir því undraheim þessarar tónlistar sem er dálítið meira krefjandi en það sem flestir krakkar eru að hlusta á dags dagslega. Fá þau til þess að leggja frá sér símann og vera með okkur í þessu og mér sýnist það hafa tekist alveg ljómandi vel.“Te með Matta hattara Sverrir er einnig einn þeirra söngvara sem koma til með að flytja hluta úr óperunni sem er í raun enn verk í vinnslu. „John hefur alveg frá upphafi verið að semja fyrir ákveðnar raddir. Hlutverk Lísu er þannig samið fyrir Þóru Einarsdóttur og hlutverk Matta hattara fyrir mig og við erum bæði fyrst og fremst óperusöngvarar. Hins vegar var John á því að hann vildi fá djasssöngkonu til þess að syngja Köttinn brosandi. Ég lagði til að fá Kristjönu Stefánsdóttur til þess að taka þetta að sér og hún gerir það auðvitað alveg frábærlega. Það verða fluttir hlutar úr verkinu næsta laugardag kl. 17 í listasafni Einars Jónssonar sem hefur tekið okkur afskaplega vel og við erum mjög þakklát fyrir það. Að loknum tónleikunum verður gestum líka boðið í te að hætti Matta hattara svo þetta verður vonandi skemmtileg reynsla fyrir okkur öll. Á næsta ári stefnum við svo að því að vera með tónleikauppfærslu á óperunni á Listahátíðinni í Reykjavík en þá fer fram annar hluti sömu hátíðar.“
Listahátíð í Reykjavík Menning Mest lesið Nígeríusvindlarinn reyndist vera bróðir hans Lífið Vítalía og Arnar Grant í kossaflensi Lífið „Vildi greinilega ekki að einhver úr fjölskyldunni kæmi að honum“ Lífið Talin ólíklegust til að komast áfram Lífið Arkitekt dýrasta húss Íslandssögunnar selur í Fossvogi Lífið Ási selur íbúðina eftir sambandsslitin Lífið „Ekki lengur þræll þess að finnast ég ekki nóg“ Lífið Nýbökuðu hjónin kíktu í kaffi til Guðna Lífið Bauð öllum bæjarbúum í matarboð Lífið Missti allar tærnar þrjátíu árum eftir að konan skar undan honum Lífið Fleiri fréttir Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein „Kannski var ég ekki að pæla í algebru því mamma mín var að deyja“ Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Sjá meira