Handbolti

Kiel á leikmann í öllum undanúrslitaliðunum

Henry Birgir Gunnarsson skrifar
Dagur Sigurðsson verður með sitt lið í eldlínunni í kvöld.
Dagur Sigurðsson verður með sitt lið í eldlínunni í kvöld. vísir/epa
Kiel er eina félagið sem getur státað sig af því að eiga leikmann í öllum liðum undanúrslitaliðanna á EM. Vísir kíkir á tölfræðina fyrir úrslitahelgina.

Leikmenn Kiel í undanúrslitaliðunum er Þjóðverjinn Rune Dahmke, Norðmaðurinn Erlend Mamelund, Spánverjinn Joan Canellas og Króatinn Domagoj Duvnjak.

Liðið sem vinnur EM mun fá sjálfkrafa þátttökurétt á ÓL í Ríó þannig að það er að miklu að keppa. Þýskaland er eina liðið af þessum fjórum sem hefur unnið EM áður. Það var árið 2004.

Noregur er eina liðið af þessum fjórum sem hefur aldrei áður komist í undanúrslit. Besti árangur Norðmanna var sjötta sætið er þeir spiluðu á heimavelli árið 2008.

Það eru tveir farmiðar í forkeppni Ólympíuleikanna í boði. Svíar eru þegar komnir með annan. Ef Norðmenn vinna ekki mótið þá fá þeir hinn farseðilinn.

Allir verðlaunahafarnir á EM fá farseðil beint inn á HM 2017 í Frakklandi.

Sex leikmenn í undanúrslitaliðunum spila fyrir Barcelona. Fimm koma frá Vardar, fjórir frá Kiel, Rhein-Neckar Löwen, Kielce og Zagreb.

Það eru tólf ár síðan einhver önnur þjóð en Frakkland eða Danmörk varð Evrópumeistari.  Þá vann Þýskaland.

Á sunnudag verður dregið í umspilinu fyrir HM 2017. Ísland verður í efri styrkleikaflokki en það stóð tæpt.

Spánn er með reynslumesta liðið í undanúrslitunum. Meðaltal landsleikja hjá Spánverjum er 87,2 leikir en 67,4 hjá Noregi, 67,1 hjá Króatíu en aðeins 36,1 hjá Þýskalandi.

Króatar eru með bestu sóknina á EM en Króatía er búið að skora 190 mörk á mótinu. Frakkar eru búnir að skora 181 mark og Noregur 178.

Þjóðverjar eru með hávaxnasta liðið í undanúrslitunum en meðalhæð þýska liðsins er 196 sentimetrar. Hjá Noregi er þessi tala 193 sentimetrar og hjá Króatíu 192.


Tengdar fréttir

Stærsta tap gestgjafa síðan á HM á Íslandi 1995

Pólverjar komust ekki í undanúrslit á Evrópumótinu í handbolta sem fer fram á þeirra heimavelli en pólska liðið brann yfir á úrslitastundu í gær og steinlá á móti Króatíu.

Lazarov markahæstur á EM

Makedóninn Kiril Lazarov er markahæsti leikmaður EM eftir milliriðlana en ekki er víst að hann nái samt markakóngstitlinum á endanum.

Aldrei fleiri mætt á leiki á EM

Á EM í Danmörku fyrir tveim árum síðan var sett áhorfendamet sem þegar er búið að slá á EM í Póllandi þó svo enn eigi eftir að spila sex leiki á mótinu.

Dagur, hvernig ferðu að þessu?

Þýska handboltalandsliðið er komið alla leið í undanúrslitin á Evrópumótinu og mætir Noregi í kvöld. Dagur Sigurðsson hefur átt svör við hverju áfallinu á fætur öðru en liðið hefur misst sjö sterka leikmenn. Fréttablaðið skoð




Fleiri fréttir

Sjá meira


×