Fótbolti

Kemur Bruce Springsteen í veg fyrir sigurhátið Barcelona í kvöld?

Anton Ingi Leifsson skrifar
Springsteen spilar fyrir fullu húsi á Nou Camp í kvöld.
Springsteen spilar fyrir fullu húsi á Nou Camp í kvöld. vísir/getty
Vinni Barcelona spænsku úrvalsdeildina í dag munu þeir ekki keyra í gegnum bæinn og fagna með stuðningsmönnum sínum vegna tónleika Bruce Springsteen á Nou Camp.

Barcelona er að spila við Granada í lokaumferðinni og með sigri tryggja þeir sér titilinn, en Real Madrid spilar á sama tíma við Deportivo La Coruna.

Hins vegar hefur félaginu verið bent á það að keyra ekki með bikarinn á götum borgarinnar við heimkomu vegna þess að göturnar verða líklega fullar af fólki á leið á tónleikana á Nou Camp.

Leikmenn Barcelona eru ekki sagðir hafa verið sáttir með þessa niðurstöðu og að geta ekki fagnað á götum borgarinnar vegna tónleika. Þeir munu því einungis halda lokað teiti fari svo að þeir vinni titilinn.




Fleiri fréttir

Sjá meira


×