Innlent

Kemur á óvart að verð lækki meira á skóm en fatnaði

Erla Björg Gunnarsdóttir skrifar
Teitur Atlason, varaformaður Neytendasamtakanna, segir að allt bendi til þess að þessi aðgerð ríkisins sé að renna í vasa kaupmanna
Teitur Atlason, varaformaður Neytendasamtakanna, segir að allt bendi til þess að þessi aðgerð ríkisins sé að renna í vasa kaupmanna vísir/vilhelm
Könnun Samtaka verslunar og þjónustu á verðlagi á þessu ári sýnir að skór hafi lækkað meira í verði en fatnaður.

 

„Það hefur komið okkur á óvart því við höfum almennt talið, þar sem tollaniðurfelling náði bæði til skófatnaðar og fatnaðar, að verðlækkun ætti að ná jafnt til þessara tveggja vöruflokka,“ segir Andrés Magnússon framkvæmdastjóri Samtaka verslunar og þjónustu.

 

Á síðustu tólf mánuðum hefur verð á fötum og skóm lækkað um 4,5 prósent samkvæmt tölum Hagstofunnar. Á sama tíma hafa 15 prósent tollar á föt og skó verið afnumdir og gengi krónu hækkað um nærri 13 prósent að jafnaði. Það er að mati greiningar Íslandsbanka með nokkrum ólíkindum að slík lækkun á kostnaðarverði hafi ekki skilað meiri verðlækkun á fatnaði og skóm.

 

 

 

 

 

 

 

Andrés Magnússon, framkvæmdastjóri SVÞ.
Teitur Atlason, varaformaður Neytendasamtakanna, segir að allt bendi til þess að þessi aðgerð ríkisins sé að renna í vasa kaupmanna en að tollalækkun hafi verið hugsuð þannig að hún ætti að skila sér til neytenda.

  

Andrés segir aðrar breytur skipta töluverðu máli.

 

„Tollalækkun verður um áramót og á sama tíma verður hækkun á umsömdum launum á almennum vinnumarkaði um 6,2% sem er meiri hækkun í einum vettvangi en gerst hefur um langt árabil. Gengisþróun spilar einnig inn í þetta. Þessi þrjú atriði skipta máli þegar horft er á þetta í heild sinni,“ útskýrir hann. 


Tengdar fréttir

Fataverð ekki lækkað í takt við afnám gjalda

Fata- og skóverð hefur lækkað mun minna en sem nemur afnámi tolla og styrkingu krónunnar á síðasta ári. Varaformaður Neytendasamtakanna segir þetta vonbrigði. Hann segir afnám tolla ekki hafa átt að skila sér í vasa kaupmanna.




Fleiri fréttir

Sjá meira


×