Fótbolti

Keflavík tók Leikni í kennslustund │ Víkingur vann Hauka

Dagur Lárusson skrifar
Jeppe Hansen skoraði.
Jeppe Hansen skoraði. vísir/ Anton Brink
Keflavík og Haukar fóru með sigur af hólmi í leikjum dagsins í þriðja riðli A-deildar í Lengjubikar karla.

Það var Marko Nikolic sem kom Keflavík yfir strax á 7. mínútu gegn Leikni Reykjavík. Aðeins fimm mínútum seinna var staðan orðin 2-0 en þá skoraði Jeppe Hansen af vítapunktinum.

Keflavík hélt áfram að sækja og komst í 3-0 á 23. mínútu með marki frá Sindra Þór Guðmundssyni og var staðan 3-0 í hálfleik.

Sindri var síðan aftur á ferðinni á 61. mínútu og skoraði þá sitt annað mark í leiknu og kom sínum mönnum í 4-0 og það reyndust lokatölur leiksins.

Í hinum leiknum í riðlinum mættust Haukar og Víkingur Ólafsvík þar sem Ólsarar unnu sterkan sigur.

Eftir leikinn er Keflavík með 4 stig, Haukar með 3 stig, Víkingur með 3 stig og Leiknir með 0 stig á botni riðilsins.




Fleiri fréttir

Sjá meira


×