Kavanagh mćttur til London og fór beint í gólfiđ međ Gunnari | Myndir

 
Sport
10:30 16. MARS 2017
Gunnar Nelson og John Kavanagh á ćfingu í gćr.
Gunnar Nelson og John Kavanagh á ćfingu í gćr. MYND/MJÖLNIR/SÓLLILJA BALTASARSDÓTTIR
skrifar frá London

Írinn John Kavanagh, þjálfari Gunnars Nelson, mætti til London í gær en nú eru aðeins tveir dagar þar til Gunnar stígur aftur inn í búrið eftir tíu mánaða fjarveru. Hann berst á móti Bandaríkjamanninum Alan Jouban í O2-höllinni á laugardagskvöldið.

Kavanagh kom frá Dyflinni um hádegisbilið í gær og byrjaði á því að koma sér fyrir á herbergi sínu og spjalla við Harald Nelson, faðir og umboðsmann Gunnars. Þegar Vísir hitti á Írann var hann að fara yfir dagskrá næstu daga og stilla upp æfingu fyrir sig og sinn mann.

Kavanagh, sem var sjálfur Evrópumeistari í blönduðum bardagalistum á árum áður, tók  æfingu í gærkvöldi með Gunnari en eins og sjá má á myndinni hér að ofan neyddist hann til að fara í gólfið með íslenska bardagakappanum og láta hengja sig aðeins.

Gunnar eyddi fyrri parti gærdagsins í upptökur fyrir UFC en hann lagði sig svo eftir hádegi. Teymið yfirgaf ekki hótelið heldur tók því rólega og borðaði þar saman í gærkvöldi.

Í dag er fjölmiðladagur en þá mæta allir bardagakapparnir og spjalla við fréttamenn á öðru hóteli en þeir gista á. Uppstilltar myndir verða teknar af þeim sem berjast en engin opin æfing er á dagskrá í dag eins og svo oft á fimmtudögum í bardagavikum. Á morgun stígur Gunnar Nelson svo á vigtina en samkvæmt upplýsingum Vísis gengur niðurskurðurinn vel.

Hér að neðan má sjá nokkrar myndir frá gærkvöldinu þar sem Gunnar og Kavanagh tókust á og svo frá rólegri kvöldstund Gunnars og hans fólks.

Ekki missa af neinu tengdu bardaga Gunnars Nelson og Alan Jouban. Vísir er í London og færir ykkur allar nýjustu fréttirnar af Gunnari og bardagakvöldinu í O2-höllinni á laugardaginn. Fylgdu okkur á Facebook, Twitter og Snapchat (sport365).


Kavanagh mćttur til London og fór beint í gólfiđ međ Gunnari | Myndir
MYND/MJÖLNIR/SÓLLILJA BALTASARSDÓTTIR


Kavanagh mćttur til London og fór beint í gólfiđ međ Gunnari | Myndir
MYND/MJÖLNIR/SÓLLILJA BALTASARSDÓTTIR


Kavanagh skođar eitthvađ fyndiđ í símanum sínum.
Kavanagh skođar eitthvađ fyndiđ í símanum sínum. MYND/MJÖLNIR/SÓLLILJA BALTASARSDÓTTIR


Gunnar Nelson hlustar á föđurleg ráđ Haraldar Dean Nelson.
Gunnar Nelson hlustar á föđurleg ráđ Haraldar Dean Nelson. MYND/MJÖLNIR/SÓLLILJA BALTASARSDÓTTIR


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Kavanagh mćttur til London og fór beint í gólfiđ međ Gunnari | Myndir
Fara efst