SUNNUDAGUR 26. MARS NÝJAST 06:28

Sebatian Vettel vann í Ástralíu

SPORT

Kaup Vodafone á 365 miđlum undirrituđ

 
Viđskipti innlent
08:56 14. MARS 2017
Ingibjörg Pálmadóttir, formađur stjórnar 365 miđla, og Stefán Sigurđsson, forstjóri Vodafone, undirrituđu samninginn í morgunsáriđ.
Ingibjörg Pálmadóttir, formađur stjórnar 365 miđla, og Stefán Sigurđsson, forstjóri Vodafone, undirrituđu samninginn í morgunsáriđ. VÍSIR/VILHELM

365 miðlar og Fjarskipti, móðurfélag Vodafone, og hafa undirritað samning um kaup Fjarskipta á öllum eignum og rekstri 365 miðla, að undanskildum eignum er varða útgáfu Fréttablaðsins og tímaritsins Glamour. Hinar keyptu eignir eru meðal annars fjarskipta-, sjónvarps- og útvarpsrekstur 365 miðla auk vefmiðilsins Vísis.

„Þann 31. ágúst sl. var tilkynnt um fyrirhuguð kaup Fjarskipta á ljósvakamiðlum og fjarskiptaþjónustu 365 miðla. Áreiðanleikakönnun er nú lokið og kaupsamningur hefur verið undirritaður. Aðilar náðu jafnframt samkomulagi um kaup Fjarskipta á vefmiðlinum Vísi,“ segir í tilkynningu frá 365.

„Heildarvirði rekstrareininganna er á bilinu 7.725-7.875 milljónir króna og mun endanlegt virði ráðast af afkomu rekstareininganna fram að afhendingu. Kaupverð verður greitt með hlutabréfum í Fjarskiptum og reiðufé, en kaupandi yfirtekur einnig vaxtaberandi skuldir að fjárhæð 4.600 milljónir króna eða 97% af vaxtaberandi langtímaskuldum 365.

Við afhendingu munu allir starfsmenn viðkomandi rekstrareininga færast til Fjarskipta. Sá hluti starfsemi fréttastofu 365 sem snýr að Stöð 2, Bylgjunni og Vísi mun einnig færast yfir til Fjarskipta, sem og hluti starfsfólks á sölu-, þjónustu- og tæknisviðum. Fréttablaðið og tímaritið Glamour verða áfram í eigu 365 miðla og mun starfsemi þeirra miðla ekki taka breytingum.

Samhliða viðskiptunum lætur Sævar Freyr Þráinsson, forstjóri 365 miðla, af störfum. Ingibjörg Pálmadóttir, stjórnarformaður 365 miðla og aðaleigandi, mun sinna starfsskyldum forstjóra fram að afhendingu,“ segir ennfremur í tilkynningu 365.

Vísir einnig hluti af kaupunum
Fréttastofu barst einnig tilkynning frá Fjarskiptum vegna undirritunarinnar þar sem fram kemur að kaupverð sé á bilinu 3.125 til 3.275 milljónir króna.

„Helstu sjónvarpsstöðvar eru Stöð 2, Stöð 2 Sport, Stöð 3 og Bíórásin. Helstu útvarpsstöðvar eru Bylgjan, FM957 og X-ið. Fréttastofa 365 miðla, að undanskilinni ritstjórn og rekstri Fréttablaðsins, er hluti hins keypta. Aðilar hafa áður upplýst um gang viðræðna með tilkynningum þann 31. ágúst 2016 og 22. desember 2016. Helsta breytingin frá því sem áður hefur verið tilkynnt er að Vísir og fréttahluti ljósvakamiðla eru nú hluti af kaupunum sem hækkar kaupverð frá áður tilkynntum forsendum. 

Með viðskiptunum eignast Fjarskipti öflugasta fjölmiðla- og afþreyingarfyrirtækið hér á landi. Velta sameinaðs félags mun nema um 22 milljörðum króna og skila um 5 milljörðum króna í EBITDA þegar samlegðaráhrif eru að fullu komin fram. Með viðskiptunum verður til leiðandi fjarskipta- og fjölmiðlafyrirtæki á Íslandi, sem mun veita yfir 500 manns atvinnu og bjóða upp á fjölbreytt vöruframboð og enn betri þjónustu til sinna viðskiptavina.

Samkvæmt áætlun Fjarskipta mun hagnaður fyrir afskriftir og fjármagnsliði (EBITDA) hins keypta, með fullum samlegðaráhrifum, nema um 1.750 milljónum króna á ársgrundvelli, en um 60% af þeirri tölu mun koma til vegna áætlaðrar kostnaðarsamlegðar. Ríflega helmingur samlegðaráhrifa er vegna hagkvæmari tæknireksturs hjá sameinuðu félagi. Gert er ráð fyrir að samlegð verði komin fram að fullu innan 12-18 mánaða frá afhendingu. Kaupverð er á bilinu 3.125-3.275 milljónir króna og mun endanlegt kaupverð ráðast af rekstrarárangri hins keypta fram að afhendingu. 

Kaupverð verður greitt annars vegar með 32.380.952 hlutum í Fjarskiptum á genginu 52,5 krónur á hlut, og hins vegar 1.425-1.575 milljónum króna með reiðufé. Einnig yfirtekur kaupandi vaxtaberandi skuldir að fjárhæð 4.600 milljónir króna. 

Viðskiptin verða til umfjöllunar á aðalfundi Fjarskipta þann 16. mars næstkomandi, en leitað verður eftir samþykki fundarins fyrir heimild til handa stjórn til að framkvæma hlutafjáraukningu í því skyni að inna af hendi hluta kaupverðsins. Kaupin eru með fyrirvara um samþykki Samkeppniseftirlitsins (og eftir atvikum annarra eftirlitsaðila) og fer afhending fram eftir að samþykki liggur fyrir. Rekstur 365 miðla fram að afhendingu verður með óbreyttu sniði,“ segir í tilkynningu Fjarskipta.


Kaupverđ er á bilinu 3.125 til 3.275 milljónir króna.
Kaupverđ er á bilinu 3.125 til 3.275 milljónir króna. VÍSIR/SIGURJÓN

Ánægjulegur og mikilvægur áfangi
Í tilkynningu frá 365 miðlum er haft eftir Ingibjörgu Pálmadóttur, formanns stjórnar 365 miðla, að ánægjulegur og mikilvægur áfangi nú vera í höfn.

„Við teljum að viðskiptin séu mjög ásættanleg niðurstaða fyrir hluthafa 365 miðla hf. og verði jafnframt starfsfólki og viðskiptavinum 365 til góðs. Sú öfluga starfsemi sem verið er að selja mun vafalaust dafna vel í höndum nýs eiganda. Ég vil þakka Sævari Frey Þráinssyni fyrir samstarfið á síðastliðnum árum og óska honum velfarnaðar á nýjum vettvangi. Nú tekur við bið eftir samþykki eftirlitsstofnana og meðan á henni stendur mun rekstur 365 verða með óbreyttum hætti.”

Stærra og öflugra
Í tilkynningunni frá Fjarskiptum er haft eftir Stefáni Sigurðssyni, forstjóra Vodafone, að það sé afar ánægjulegt að samkomulag sem hafi náðst um kaup Fjarskipta á ljósvakamiðlum og fjarskiptaþjónustu 365 miðla. 

„Sameinað félag verður stærra og öflugra og mun auka hagkvæmni og áhættudreifingu í rekstri sem mun gefa okkur færi á að bjóða viðskiptavinum enn betri þjónustu og hagkvæmari verð. EBITDA Fjarskipta mun aukast um 50% eftir að samlegð er komin að fullu fram. Sjónvarpsrekstur, sem hefur verið vaxandi tekjustoð Fjarskipta undanfarin misseri, er stærstur hluti yfirtekins reksturs og starfsmenn sameinaðs félag verða yfir 500.

Ljósvakamiðlar verða rekin sem ný og sérstök rekstrareining innan Fjarskipta. Hugmyndin að baki kaupunum er ekki að binda sjónvarpsþjónustu eingöngu við kerfi Fjarskipta enda teljum við mikilvægt að vernda þá grunnreglu að viðskipavinir þurfi ekki að færa sig á milli fjarskiptafyrirtækja til að njóta gæðaefnis.

Við berum mikla virðingu fyrir fjölmiðlum 365 og gerum okkur fyllilega grein fyrir ábyrgð okkar þegar kemur að kaupum á fjölmiðli sem rekur eina öflugustu fréttastofu landsins. Við munum haga skipulagi á þann máta að sjálfstæði fréttastofu verði tryggt. Þeir fjölmiðlar sem um ræðir eru mikilvægir fyrir upplýsingamiðlun og menningu á Íslandi og því er það mikið kappsmál fyrir okkur að vanda mjög til verka þegar kemur að rekstri þeirra. Hér er um góðar fréttir að ræða fyrir fjarskipta- og fjölmiðlamarkaðinn, hluthafa Fjarskipta, viðskiptavini beggja fyrirtækja og landsmenn alla.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti innlent / Kaup Vodafone á 365 miđlum undirrituđ
Fara efst