Innlent

Karlmaður gekk berserksgang í Vesturbæ

sunna karen sigurþórsdóttir skrifar
Maðurinn lét öllum illum látum, henti til stólum og braut rúðu inni í þjónustumiðstöð Vesturbæjar.
Maðurinn lét öllum illum látum, henti til stólum og braut rúðu inni í þjónustumiðstöð Vesturbæjar. vísir/getty
Lögregla var kölluð til er æði rann á mann í Þjónustumiðstöð Vesturbæjar við Hjarðarhaga í Reykjavík um klukkan hálf tvö í dag.

Í dagbók lögreglu segir að maðurinn hafi hent stólum til og þannig brotið rúðu inni í húsnæðinu. Maðurinn hafði flúið vettvang er lögregla kom á staðinn en var handtekinn skammt frá. Skýrsla verður tekin af honum í fyllingu tímans.

Þá kemur fram í dagbókinni að tvær konur hafi stolið fyrirtækjabíl í umdæmi lögreglunnar í Kópavogi og Breiðholti. Konurnar voru drukknar og lyfjaðar og færðar á lögreglustöð þar sem rætt verður við þær þegar af þeim rennur.




Fleiri fréttir

Sjá meira


×