Kári hafði betur gegn Eiði Smára

Kári Árnason og félagar í Rotherham nældu í afar mikilvæg stig í kvöld með öruggum sigri á Bolton, 4-2.

Kári var í byrjunarliði Rotherham og lék allan leikinn. Eiður Smári Guðjohnsen var í byrjunarliði Bolton en fór af velli á 74. mínútu í stöðunni 4-1.

Ben Pringle, Conor Sammon, Paul Green og Matt Derbyshire skoruðu mörk Rotherham í kvöld. Matt Mills og Liam Trotter skoruðu mörkin fyrir Bolton.

Rotherham er í 21. sæti eftir leikinn en Bolton sem fyrr því sextánda.