Lífið

Kanye bauð Franco og Rogen að endurskapa Bound 2 í brúðkaupinu

Þórður Ingi Jónsson skrifar
Leikararnir Seth Rogen og James Franco gerðu það gott í fyrra þegar þeir endurgerðu tónlistarmyndbandið Bound 2 með Kanye West og Kim Kardashian, ramma fyrir ramma. Félagarnir sögðu söguna á bak við gerð myndbandsins í netþáttum Jimmy Fallons, Tales From Set í seinustu viku.







Samkvæmt teyminu skutu þeir myndbandið í matarhléum á meðan þeir unnu að nýju mynd þeirra, The Interview. Franco átti upprunalega að leika Kim Kardashian en þeir skiptu um hlutverk á endanum af því að „Rogen er með hárugt bak.“

Það tók kappana þrjá klukkutíma samanlagt að gera myndbandið. Mánuði eftir að það kom út rakst Rogen á Kanye West í New York en Kanye sagði að sér þætti myndbandið fyndið. Þegar hann komst að því að þeir hefðu eytt þremur tímum í að gera það varð Kanye undrandi og sagði: „Þið eydduð meiri tíma en við í að búa myndbandið til.“ Kanye sagði Rogen einnig að myndbandið væri „lélegt í þeim tilgangi að vera lélegt.“

Þá segir Rogen að Kanye hafi fengið þá hugdettu að bjóða leikaranunum að koma og endurskapa myndbandið í brúðkaupi hans. Eftir stutta þögn hafi hann síðan áttað sig á því að það væri ekki mjög góð hugmynd.

Hér fyrir neðan má sjá myndböndin tvö hlið við hlið.












Fleiri fréttir

Sjá meira


×