Kaiserslautern tapaði stigum í uppbótartíma

Jón Daði Böðvarsson og félagar í Kaiserslautern gerðu 2-2 jafntefli við FC Heidenheim í þýsku B-deildinni í knattspyrnu í dag.

Arne Feick kom gestunum í Heidenheim yfir á lokamínútu fyrri hálfleiks og þannig stóðu leikar í hálfleik, en á níundu mínútu síðari hálfleiks jafnaði Markus Karl.

Það var svo Stipe Vucur sem virtist vera tryggja Kaiserslautern sigurinn stundarfjórðungi fyrir leikslok, en Heidenheim jafnaði í uppbótartíma. Robert Leipertz gerði markið.

Jón Daði spilaði allan leikinn fyrir Kaiserslautern sem er í sjöunda sætiu með 31 stig, en Heidenheim er í tíunda sætinu með 29.