Kćrasta Johnson sendi stúlkunni skilabođ

 
Fótbolti
16:45 25. FEBRÚAR 2016
Stacey Flounders mćtir í réttarsalinn í dag.
Stacey Flounders mćtir í réttarsalinn í dag. VÍSIR/GETTY

Stacey Flounders, barnsmóðir Adam Johnson, bar í dag vitni í réttarhöldunum gegn knattspyrnukappanum sem hefur verið ákærður fyrir kynferðislegt athæfi með fimmtán ára stúlku.

Fram kom í réttarhöldunum að Flounders hafi haft samband við stúlkuna og óskað henni „til hamingju með afmælið“.

Sjá einnig: Johnson: Kom ekki vel fram við kærustu mína og dóttur

Þegar hún var spurð út í framtíð hennar með Johnson sagði hún að þau myndu aðeins vera vinir. Engu að síður ákvað hún að halda tryggð við hann eftir að málið var fyrst kom upp.

„Það var vegna þess að hann var heiðarlegur við mig og ég vissi að hann væri að segja satt,“ sagði hún. „Við vorum nýbúin að eignast dóttur. Ég vildi að við yrðum saman sem fjölskylda. Ég var mjög ringluð þarna og vissi ekki hvað var í gangi.“


Kćrasta Johnson sendi stúlkunni skilabođ
VÍSIR/GETTY

Flounders var einnig spurð um skilaboð sem hún sendi Johnson daginn sem hann hitti fimmtán ára stúlkuna. Hún sagði að hana hefði grunað að hann væri að halda fram hjá henni en að hún hefði engar sannanir þess efnis.

Eftir að Johnson var svo handtekinn í mars í fyrra sagði hann Flounders að hann hefði gefið stúlkunni tvær treyjur og beðið um koss í þakkarskyni.

Sjá einnig: Johnson bað um nektarmynd af stúlkunni

Johnson hefur gengist við því að hafa vingast við stúlkuna í þeim tilgangi að koma á kynferðislegu sambandi við hana sem og einni af þremur kærum um kynferðislegt athæfi með barni. Hann neitar sök í hinum tveimur kæruliðunum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Kćrasta Johnson sendi stúlkunni skilabođ
Fara efst