Íslenski boltinn

KA heldur toppsætinu

Ingvi Þór Sæmundsson skrifar
KA-menn eru á góðu róli í Inkasso-deildinni.
KA-menn eru á góðu róli í Inkasso-deildinni. vísir/stefán
KA heldur stöðu sinni á toppi Inkasso-deildarinnar eftir 2-0 sigur á HK á Akureyrarvelli í dag.

Þetta var annar sigur KA-manna í röð og sá fjórði í síðustu fimm leikjum. KA er með 16 stig, líkt og erkifjendurnir í Þór, en betri markatölu.

Guðmann Þórisson kom KA yfir á 29. mínútu þegar hann skallaði hornspyrnu Hallgríms Mar Steingrímssonar í netið framhjá Arnari Frey Ólafssyni í marki HK.

Ásgeir Sigurgeirsson bætti svo öðru marki við á 77. mínútu og gulltryggði sigur KA. Ásgeir skoraði einnig í síðasta leik KA, 0-2 sigri á Leikni í Breiðholtinu.

HK er í ellefta og næstneðsta sæti deildarinnar með fimm stig en liðinu tókst ekki að fylgja eftir góðum sigri á Grindavík í síðustu umferð.


Tengdar fréttir




Fleiri fréttir

Sjá meira


×