Sunnudagsmessan: Umræða um Villas-Boas
Andre Villas-Boas er í atvinnuleit eftir að honum var sagt upp störfum hjá enska knattspyrnuliðinu Chelsea í gær. Hinn 34 ára gamli knattspyrnustjóri frá Portúgal náði ekki að fylgja góðum árangri sínum með Porto í heimalandinu eftir hjá stórliði Chelsea. Málefni Villas-Boas voru til umræðu í Sunnudagsmessunni á Stöð 2 sport 2 í gær þar sem Guðmundur Benediktsson, Hjörvar Hafliðason og Heimir Karlsson fóru yfir stöðuna. Heimir var gestur þáttarins.
