Sunnudagsmessan: Varnarleikur Wolves er í tómu tjóni
Wolves, liðið sem íslenski landsliðsmaðurinn Eggert Gunnþór Jónsson leikur með í ensku úrvalsdeildinni, er í tómu basli eftir afleitt gengi að undanförnu. Mick McCarthy knattspyrnustjóri liðsins var rekinn á dögunum og Terry Connor aðstoðarmaður hans tók við keflinu. Fátt hefur breyst hjá félaginu sem er að berjast við falldrauginn illræmda. Sérfræðingarnir í Sunnudagsmessunni á Stöð 2 sport 2 fóru fyrir stöðuna hjá Wolves og bentu á nokkur atriði sem hafa komið liðinu illa.
