Júlíspá Siggu Kling - Tvíburi: Slepptu örygginu um stund

Elsku fallegi tvíburi. Það virðist margt hafa verið að gerast hjá þér. Þú vilt breytingar í líf þitt og það eru mörg tákn búin að vera uppi síðustu tvo mánuði sem sýna þér að það gætu mjög góðir hlutir verið á leið inn í líf þitt. Hættu að vera svona óákveðinn. Það er bara vogin sem á að vera svona óákveðin. Taktu ákvörðun og fylgdu henni. Það er verið að tala við þig. Fólk á eftir að vilja fylgja þér þótt þú farir eitthvað. Þú ert að uppgötva svo mikla visku núna og að læra svo mikið á lífið, að í kortinu þínu er eins og þú sért að rísa upp. Þú finnur hvaða tilgang þú hefur, það er svo mikilvægt.

Ekki láta hugsanirnar skelfa þig, elsku skemmtilegi tvíburinn minn. Þú átt það nefnilega til að ímynda þér að þú sért í verri málum en þú ert. Þú ert eitthvað svo listrænn og skapandi í öllum hugsunum. Eins langar þig til að fara út um allt en á sama tíma býr í þér svo mikill öryggisfíkill. Slepptu örygginu að hluta, þú þarft að fljúga. Þú verður svo feginn ef þú gerir hjá þér breytingar núna og treystir því að þú munir lenda á réttum stað. Ekki pæla í hvað gerist í haust, haustið hefur sínar pælingar.

Þú átt eftir að græða á þessum gjörðum þínum og lífið grátt á eftir að breytast. Ég veit ekki hvort þú ert tilbúinn fyrir ástina, þú verður að finna það sjálfur. Það er dálítill efi í sambandi við það í kortunum þínum, en hinir sem eru í sambandi eiga bara að halda áfram. Til hamingju með þetta skemmtilega sumar, hjartað mitt.

Mottó: Sagan verður mér góð, það er ég sem skrifa hana.



Frægir tvíburar: Örn Árnason leikari, Óli Geir Jónsson plötusnúður, Bjarni töframaður, Össur Skarphéðinsson húmoristi, Johnny Depp leikari, Páll Magnússon fjölmiðlamaður.