Handbolti

Jónatan tekur við KA/Þór

Henry Birgir Gunnarsson skrifar
Jónatan skrifar undir samninginn við KA.
Jónatan skrifar undir samninginn við KA. mynd/ka
Jónatan Magnússon snýr heim til Akureyrar í sumar eftir nokkurra ára útlegð í Noregi.

Hann hefur nú verið ráðinn þjálfari KA/Þórs í 1. deild kvenna og hann mun einnig verða yfirþjálfari yngri flokka hjá KA.

Jónatan er búinn að skrifa undir tveggja ára samning við norðanmenn.

Samningar við leikmenn liðsins eru í endurnýjun um þessar mundir og er frekari tíðinda að vænta af því á næstunni.

„Ljóst er að einhverjir leikmenn flytjast búferlum suður til Reykjavíkur til náms en mögulega koma aðrir í hina áttina en Háskólinn á Akureyri býður nú til dæmis upp á nám á íþróttakjörsviði í kennaradeild sinni. Auk þess er í skoðun að fá fleiri leikmenn til liðsins,“ segir í fréttatilkynningu frá KA/Þór.




Fleiri fréttir

Sjá meira


×