Enski boltinn

Jóhann Berg fór meiddur af velli eftir kraftmikla tæklingu

Ingvi Þór Sæmundsson skrifar
Jóhann Berg haltrar af velli.
Jóhann Berg haltrar af velli. vísir/getty
Jóhann Berg Guðmundsson fór meiddur af velli eftir aðeins 20 mínútur í leik Burnley og Lincoln City í 16-liða úrslitum ensku bikarkeppninnar sem nú stendur yfir.

Alan Power, leikmaður utandeildarliðsins, tæklaði Jóhann Berg harkalega og fékk gult spjald fyrir.

Jóhann Berg gat ekki haldið áfram og neyddist til að fara af velli. Í hans stað kom George Boyd.

Þetta eru mikil vonbrigði fyrir Jóhann Berg sem hefur fengið fá tækifæri að undanförnu.

Staðan í leiknum, þegar rúmur stundarfjórðungur er eftir, er 0-0.


Tengdar fréttir




Fleiri fréttir

Sjá meira


×