Golf

Jimmy Walker kláraði dæmið og tryggði sér sinn fyrsta risamótstitil

Ingvi Þór Sæmundsson skrifar
Walker vann sitt fyrsta risamót í dag.
Walker vann sitt fyrsta risamót í dag. vísir/epa
Bandaríski kylfingurinn Jimmy Walker hrósaði sigri á PGA meistaramótinu í golfi sem lauk nú í kvöld.

Þetta var fyrsti sigur hins 37 ára gamla Walkers á risamóti.

Ástralinn Jason Day, efsti maður heimslistans og sigurvegarinn á PGA meistaramótinu í fyrra, sótti hart að Walker á lokasprettinum en Bandaríkjamaðurinn hélt haus og kláraði dæmið.

Walker lék á þremur höggum undir pari í dag og samtals á 14 undir pari, einu höggi á undan Day.

Bandaríkjamaðurinn Daniel Summerhays endaði í 3. sæti eftir góðan endasprett. Hann lék lokahringinn á fjórum undir pari og endaði á 10 undir pari.

Suður-Ameríkumaðurinn Brendan Grace, Japaninn Hideki Matsuyama og Bandaríkjamaðurinn Brooks Koepka voru svo jafnir í 4.-6. sæti á níu höggum undir pari.




Fleiri fréttir

Sjá meira


×