Enski boltinn

Jamie Vardy í þriðja sæti

Óskar Ófeigur Jónsson skrifar
Jamie Vardy.
Jamie Vardy. Vísir/Getty
Jamie Vardy er markahæstur í ensku úrvalsdeildinni með fjórtán mörk í fyrstu fjórtán umferðunum en tveir leikmenn eru ofar en hann í baráttunni um Gullskó Evrópu.

Jamie Vardy skoraði í ellefta leiknum í röð í 1-1 jafntefli á móti Manchester United um helgina og bætti með því úrvalsdeildarmet Ruud Van Nistelrooy. Hann nær þó ekki að vera efstur í baráttunni um Gullskó Evrópu.

Efstur á listanum yfir markahæstu menn í Evrópu er nefnilega Dortmund-leikmaðurinn Pierre-Emerick Aubameyang.

Pierre-Emerick Aubameyang skoraði sitt sautjánda mark í þýsku úrvalsdeildinni þegar hann hjálpaði Borussia Dortmund að vinna 4-1 sigur á Stuttgart. Hann hefur skoraði þessi 17 mörk í 14 leikjum og hefur skorað á 72 mínútna fresti í deildinni.

Alex Teixeira hjá Shakhtar Donetsk er í 2. sæti og í þriðja sætinu eru síðan fjórir leikmenn jafnir.

Jamie Vardy er einn af þeim en hinir eru Pólverjinn Robert Lewandowski sem spilar með Bayern München, Brasilíumaðurinn Neymar hjá Barcelona og Tomas Radzinevicius hjá litháska félaginu FK Suduva sem skoraði 28 mörk á nýloknu tímabili.

Vardy, Neymar og Lewandowski fá nóg af tækifærum til að bæta við mörkum og þar með stigum en tímabilið er búið hjá Radzinevicius sem skoraði mörkin sín 28 í 32 leikjum.

Leikmenn fá stig eftir í hversu sterkri deild þeir spila. Hvert mark í bestu deildunum er sem dæmi tveggja stiga virði en það eru deildirnar í Englandi, á Spáni, á Ítalíu, í Frakklandi og í Þýskalandi.

Efstu tíu menn í baráttunni um Gullskó Evrópu 2015-16:

1. Pierre-Emerick Aubameyang, Borussia Dortmund 17 mörk (x 2) = 34 stig

2. Alex Teixeira, Shakhtar Donetsk     21 mark (x 1,5) = 31,5 stig

3. Robert Lewandowski, Bayern München    14 mörk (x 2) = 28 stig

3. Tomas Radzinevicius, Suduva     28 mörk (x 1) = 28 stig

3. Jamie Vardy, Leicester City     14 mörk (x 2) = 28 stig

3. Neymar, Barcelona     14 mörk (x 2) = 28 stig

7. Thomas Müller, Bayern München     13 mörk (x 2) = 26 stig

8. Nemanja Nikolic, Legia Varsjá     17 mörk (x 1,5) = 25,5 stig

9. Davit Arshakyan, Trakai     25 mörk (x 1) = 25 stig

10.Richie Towell, Dundalk     25 mörk (x 1) = 25 stig


Tengdar fréttir

Vardy himinlifandi með metið | Nistelrooy sendi honum kveðju

Jamie Vardy, framherji Leicester, sló í gær met Ruud van Nistelrooy, fyrrum framherja United, en Vardy hefur skorað í ellefu leikjum í röð í ensku úrvalsdeildini. Nistelrooy átti metið sem voru tíu leikir í röð.

Jamie Vardy jafnaði met Nistelrooy

Jamie Vardy getur einfaldlega ekki hætt að skora fyrir Leicester en hann gerði eitt mark fyrir liðið í 3-0 sigri á Newcastle í ensku úrvalsdeildinni.

Vardy sló met Nistelrooy | Sjáðu markið

Jamie Vardy, framherji Leicester, sló í dag met Ruud van Nistelrooy, fyrrum framherja Manchester United, en hann skoraði í ellefta leiknum í röð í ensku úrvalsdeildinni í dag.

Saga Jamie Vardy á leiðinni á hvíta tjaldið

Fimm ára ferðalag Jamie Vardy frá því að spila utandeildarfótbolta til að bæta markamet Ruud Van Nistelrooy um helgina er svo sannarlega efni í góða bíómynd.




Fleiri fréttir

Sjá meira


×