Íþróttamaður Borgarbyggðar valinn á laugardaginn

Kjör á íþróttamanni Borgarbyggðar fer fram í Hjálmakletti, mennta- og menningarhúsi Borgarbyggðar, næstkomandi laugardag. Það er tómstundanefnd Borgarbyggðar sem útnefnir nafnbótina á grundvelli tilnefninga ungmennafélaganna í sveitarfélaginu. Þetta er í 21. sinn sem kjörið fer fram. Við sama tækifæri verður íþróttafólk í Borgarbyggð sem náð hefur góðum árangri árið 2011 heiðrað. Þá verður veitt viðurkenning úr Minningarsjóði Auðuns Hlíðkvists Kristmarssonar. Athöfnin hefst klukkan 13:00.