SUNNUDAGUR 4. DESEMBER NÝJAST 16:15

Í beinni. Ţór Ak. - Tindastóll | Norđurlandsslagur í bikarnum

SPORT

Tvö Íslendingaliđ áfram í sćnsku bikarkeppninni

 
Fótbolti
15:10 06. MARS 2016
Arnór Ingvi og félagar í Norrköping eru komnir áfram í sćnsku bikarkeppninni.
Arnór Ingvi og félagar í Norrköping eru komnir áfram í sćnsku bikarkeppninni. VÍSIR/GETTY
Ingvi Ţór Sćmundsson skrifar

Íslendingaliðin Hammarby og Norrköping eru komin áfram í 8-liða úrslit sænsku bikarkeppninnar í fótbolta.

Hammarby tryggði sér farseðilinn í 8-liða úrslitin með 1-3 sigri á Djurgården á útivelli.

Ögmundur Kristinsson, Birkir Már Sævarsson og Arnór Smárason voru allir í byrjunarliði Hammarby í dag en liðið fékk sjö stig í riðli 6, jafn mörg og Syrianska. Markatala Hammarby var hins vegar betri.

Arnór Ingvi Traustason og Jón Guðni Fjóluson voru báðir í byrjunarliði Norrköping sem gerði 1-1 jafntefli við Jönköpings á heimavelli. Sænsku meistararnir fengu sjö stig í riðli 1, þremur meira en Jönköpings.

Í sama riðli mættust Östersunds og AFC United. Östersunds, sem er nýliði í sænsku 1. deildinni, vann leikinn með þremur mörkum gegn engu. Haraldur Björnsson var í byrjunarliði Östersunds og hélt marki sínu hreinu.

Hjörtur Hermannsson var í byrjunarliði IFK Göteborg sem vann 3-0 sigur á Halmstad í riðli 2. Sigurinn dugði Göteborg þó ekki til að komast í 8-liða úrslitin. Liðið fékk fimm stig í riðlinum, einu minna en Halmstad sem komst áfram. Hjálmar Jónsson var ekki í leikmannahópi Göteborg í dag.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Tvö Íslendingaliđ áfram í sćnsku bikarkeppninni
Fara efst