SUNNUDAGUR 24. JÚLÍ NÝJAST 07:00

Brendan Rodgers ađ sćkja Toure til Liverpool

SPORT

Ísland á ađ leitast viđ ađ uppfylla reglur sem gilda um alţjóđleg mót

 
Innlent
22:20 11. MARS 2016
Héđinn Steingrímsson
Héđinn Steingrímsson VÍSIR/VILHELM

„Ég tel að Ísland, sem er land sem býr yfir mikilli skákhefð og hefur verið í fremstu röð skáklistarinnar árum saman, eigi að leitast við að uppfylla þær reglur sem gilda um alþjóðleg skákmót,“ segir stórmeistarinn og núverandi Íslandsmeistari Héðinn Steingrímsson í yfirlýsingu sem hann hefur sent fréttastofu.

Fyrr í dag var sagt frá því að Héðinn tæki ekki þátt á Opna Reykjavíkurmótinu í skák þar sem hann er ósáttur með breidd borðanna sem eru brúkuð. Héðinn hefur gert athugasemd við borðin en ekki hefur verið bætt úr annmörkum þeim sem hann sér.

Í yfirlýsingunni segir Héðinn að það sé rangt að hann hafi afboðað sig. Hið rétta sé að hann hafi aldrei verið skráður. „Ég kaus að koma ekki til mótsins en ég er búsettur um þessar mundir í Houston þar sem ég tefli alla daga og kenni einnig efnilegum skákmönnum. Þó ég taki ekki þátt í þessu ákveðna móti þá er ég síður en svo hættur að keppa í skák. Ég mun halda áfram að tefla á Íslandi og fyrir Íslands hönd eins og ég hef gert alla mína ævi.“

Héðinn segir að hann hafi lagt til að efstu tuttugu borðin yrðu í réttri stærð þar sem að þau sem boðið er upp á núna uppfylli ekki reglur Alþjóðaskáksambandsins, FIDE. „Innan Skáksambandsins er að finna marga öfluga og efnilega skákmenn sem vilja komast í fremstu röð í skákheiminum. Á þeirri vegferð er þátttaka í skákmótum mikilvæg en það skiptir ekki síður máli að á þeim mótum sé farið að lögum Alþjóðaskáksambandsins (FIDE).“

„Skákin er ekki aðeins lifibrauð mitt heldur ástríða mín. Ég kenni nemendum mínum að þeir eigi aldrei að slá af kröfum til þeirra sjálfra né umhverfisins sem þeir keppa í. Ósk mín er að skáksamfélagið á Íslandi slái ekki heldur af kröfum á þeim stórmótum sem fram fara á Íslandi heldur fari eftir þeim reglum sem um slík mót gilda. Þannig stöndum við best vörð um þá miklu skákarfleifð sem þjóðin státar af. Ég vona að með þessu séu leiðréttar þær rangfærslur sem fram hafa komið og vil ég nota tækifærið og óska þeim skákmönnum sem taka þátt í Reykjavíkurmótinu um helgina góðs gengis,“ segir Héðinn í yfirlýsingunni.

Fimmtu umferð Reykjavíkurmótsins lauk í Hörpu í kvöld. Fimm skákmenn frá jafnmörgum löndum leiða mótið. Það eru Ivan Cheparinov (2684), Gawain Jones (2645), Abhijeet Gupta (2634), Sergei Movesian (2653) og Richard Rapport (2720) en þeir hafa allir 4,5 vinninga. 24 skákmenn eru í öðru sæti með fjóra vinninga. Alþjóðlegi meistarinn Bragi Þorfinnsson er í þeim hópi en hann er efstur íslensku keppendanna.

Neðst má sjá fréttatilkynningu Héðins í heild sinni.


Frá Reykjavíkurmótinu í ár en á myndinni má glögglega sjá hin umdeildu borđ.
Frá Reykjavíkurmótinu í ár en á myndinni má glögglega sjá hin umdeildu borđ. VÍSIR/PJETUR


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ísland á ađ leitast viđ ađ uppfylla reglur sem gilda um alţjóđleg mót
Fara efst