Íris Björk og Chris Pine hætt saman

Star Trek-leikarinn Chris Pine heimsótti spjallþátt Ellen DeGeneres í dag og staðfesti þar að hann væri á lausu.

„Þú ert myndarlegur, þú getur sungið og ertu einhleypur?“ spurði Ellen.

„Ég er einhleypur maður,“ svaraði Chris þá.

Chris var síðast í opinberu sambandi með íslensku fegurðardrottningunni Íris Björk Jóhannesdóttur og eyddu þau meðal annars tíma saman í París og Kosta Ríka. Þau hafa hins vegar ekki sést saman síðan í byrjun þessa árs.

Áður en hann byrjaði með Írisi var hann með fyrirsætunni Dominique Piek en þau hættu saman í fyrra.