ŢRIĐJUDAGUR 31. MAÍ NÝJAST 14:00

„Ţakklátur fyrir ađ hafa Eiđ Smára“

SPORT

Íranir senda Sádum tóninn

 
Erlent
23:45 05. JANÚAR 2016
Hassan Rouhani, forseti Íran. Frá mótmćlum í Íran vegna aftöku Al-Nimr.
Hassan Rouhani, forseti Íran. Frá mótmćlum í Íran vegna aftöku Al-Nimr. VÍSIR/EPA

Hassan Rouhani, forseti Íran, sagði í dag að Sádi-Arabía gæti ekki falið glæp sinn með því að slíta samskiptum við Íran. Átti hann þar við að Sádar tóku klerk sjíta af lífi um helgina, auk 46 annarra. Í kjölfar aftökunnar réðust mótmælendur inn í sendiráð Sáda í Íran og brenndu það.

Eftir það slitu Sádi-Arabía, Barein og Súdan stjórnmálasamskiptum við Íran. Sameinuðu arabísku furstadæmin drógu úr samskiptum sínum við Íran í gær og nú í dag kölluðu stjórnvöld Kúveit sendiherra sinn í Teheran heim.

Sádar tóku klerkinn Nimr al-Nimr af lífi um helgina, auk þriggja annarra sjíta og 43 súnníta sem sagðir eru hafa tilheyrt Al-QaedaAl-Nimr var sakaður um að ýta undir og skipuleggja hryðjuverk í Sádi-Arabíu.


Íran er höfuđvígi Sjíta en súnnítar stjórna í Sádi-Arabíu.
Íran er höfuđvígi Sjíta en súnnítar stjórna í Sádi-Arabíu. VÍSIR/GRAPHICNEWS

Yfirvöld í Riyadh segjast hafa beðið stjórnvöld Íran um að verja sendiráð sitt og að ekki hafi orðið við þeirri beiðni. Yfirvöld í Teheran hafa hins vegar reynt að fjarlæga sig frá árásinni á sendiráðið og hafa jafnvel gefið í skyn að árásin hafi verið skipulögð af erlendum aðilum.

Sjá einnig: Sádar og bandamenn draga úr samskiptum við Íran

Sjítar og súnnítar hafa deilt um aldir og hafa mörg átök síðustu ára í Mið-Austurlöndum átt rætur að rekja til þeirra deilna. Í dag má segja að Íran og Sádi-Arabía takist á í gegnum aðra aðila, bæði í Sýrlandi og Jemen. Talið er að mikill meirihluti múslima um heim allan tilheyri Súnnítum, eða um 85 prósent af 1,5 milljarði í heiminum.

Þrátt fyrir að sjítar og súnnítar deili grunngildum trúar sinnar snúast deilurnar að mestu meðal annars um hefðir og lög.

Deilurnar má rekja um 1.400 ár aftur í tímann, þegar spámaðurinn Múhameð lét lífið. Þá blossuðu upp deilur um hver ætti að leiða íslam. Samkvæmt Vísindavefnum vildu súnnítar að Abu Bekr, tengdafaðir Múhameðs, skyldi verða andlegur, og að nokkru veraldlegur, leiðtogi. Sjítar vildu að Ali, tengdasonur Múhameðs tæki við.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Íranir senda Sádum tóninn
Fara efst