LAUGARDAGUR 30. JÚLÍ NÝJAST 23:39

Óvissir farţegar WOW kvarta undan skorti á upplýsingaflćđi

FRÉTTIR

Íran festir kaup á 118 Airbus-ţotum

 
Erlent
23:22 28. JANÚAR 2016
Forseti Íran skrifađi í dag undir risasamning viđ Airbus sem gerir flugfélögum ţar í landi kleyft ađ endurnýja aldrađan flugflota sinn.
Forseti Íran skrifađi í dag undir risasamning viđ Airbus sem gerir flugfélögum ţar í landi kleyft ađ endurnýja aldrađan flugflota sinn. VÍSIR/AFP

Írönsk yfirvöld skrifuðu í dag undir samning um að kaupa allt að 118 Airbus-þotur fyrir 25 milljarða dollara. Samningurinn er einn sá stærsti síðan viðskiptaþvingunum á Íran var aflétt fyrr í mánuðinum.

Forseti Íran, Hassan Rouhani, skrifaðu undir samninginn í dag en hann er staddur þar í opinberri heimsókn í Frakklandi. Íran pantaði 73 breiðþotur, þar með talið tólf A380-breiðþotur sem eru stærstu farþegaþoturnar á markaðinum í dag. Íran mun einnig kaupa 45 minni þotur.

Sjá einnig: Íranir horfa fram á betri tíð

Samningurinn er mikil búbót fyrir evrópska flugvélaframleiðandann Airbus sem hefur átt í erfiðleikum með að sannfæra flugfélög um að kaupa Airbus A380 risaþoturnar undanfarin tvö ár.

Yfirvöld í Íran hafa einnig hug á því að kaupa flugvélar frá Boeing. Talsverð þörf er á endurnýjun flugflota Írans en vegna viðskiptaþvinganna undanfarin ár hefur það reynst ómögulegt. Vestræn fyrirtæki hafa ekki mátt selja flugvélar né varahluti til Íran fyrr en nú.

Samgönguyfirvöld í Íran áætla að þörf sé á um 500 flugvélum á næstu árum svo endurnýja megi flotann en í Íran eru um 140 þotur sem eru 20 ára eða eldri

Sjá einnig: Ítalir huldu naktar styttur fyrir fund með Íransforseta

Iran Air flýgur þrisvar í viku til Parísar og tvisvar til London og Amsterdan. Stefnt er að því að hefja flug að nýju til Bandaríkjanna í fyrsta sinn í rúma þrjá áratugi. Fjöldi flugfélaga skoðar nú möguleikann á því að hefja að nýju flug til Írans eftir að viðskiptaþvingunum var nú aflét en nú þegar hefur Air France-KLM gefið út að félagið hyggi á flug til Teheran á næsta ári.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Íran festir kaup á 118 Airbus-ţotum
Fara efst