Innanlandsflug gæti stöðvast í fyrramálið

Lítið hefur þokast í deilu flugumferðarstjóra og Flugstoða. Samninganefndirnar sitja nú á fundi hjá Ríkissáttasemjara en náist samningar ekki mun innanlandsflug og flug til og frá landinu stöðvast milli klukkan sjö og ellefu í fyrramálið. Samkvæmt heimildum fréttastofu RÚV fara flugumferðastjórar fram á umtalsverðar launahækkanir. Flugumferðastjórar hafa ekki viljað gefa upp hverjar kröfurnar séu en hafa þó sagt þær svipaðar þeim sem flugmenn fengu nýverið eða sex prósent.

Frá þessu er greint á ruv.is.

kristjan@bb.is