Viðskipti innlent

IKEA kallar inn súkkulaði

Atli Ísleifsson skrifar
Þeir sem eru með ofnæmi gætu fundið fyrir einkennum eftir neyslu vörunnar.
Þeir sem eru með ofnæmi gætu fundið fyrir einkennum eftir neyslu vörunnar. Mynd/Ikea
IKEA hefur ákveðið að kalla inn súkkulaðið CHOKLAD MÖRK 60% og CHOKLAD MÖRK 70% þar sem upplýsingar um mjólkur- og heslihnetuinnihald vörunnar eru ófullnægjandi á umbúðunum.

Í tilkynningu frá IKEA segir að öryggi sé ávallt í forgangi hjá fyrirtækinu og því séu allir dagsetningarstimplar af CHOKLAD MÖRK 60% og CHOKLAD MÖRK 70% innkallaðir.

„Þeir sem eru með ofnæmi gætu fundið fyrir einkennum eftir neyslu vörunnar.

Viðskiptavinum sem eru með ofnæmi fyrir mjólk og/eða heslihnetum, og öðrum, er velkomið að skila vörunni í IKEA og fá hana endurgreidda. Við biðjumst velvirðingar á hvers kyns óþægindum sem þetta kann að valda,“ segir í tilkynningunni.






Fleiri fréttir

Sjá meira


×