Viðskipti innlent

Icelandair Group vill byggja í Vatnsmýri

Birgir Olgeirsson skrifar
Á meðfylgjandi mynd (bláar línur) má sjá hugmynd Icelandair að afmörkun hinnar nýju lóðar. Er hún sögð gefa kost á viðbyggingum við núverandi skrifstofur Icelandair Group, á móts við fyrirhugaða uppbyggingu Valsmanna (rauðar línur) við götuna Hlíðarfót.
Á meðfylgjandi mynd (bláar línur) má sjá hugmynd Icelandair að afmörkun hinnar nýju lóðar. Er hún sögð gefa kost á viðbyggingum við núverandi skrifstofur Icelandair Group, á móts við fyrirhugaða uppbyggingu Valsmanna (rauðar línur) við götuna Hlíðarfót. Vísir/Facebook
Dagur B. Eggertsson, borgarstjóri Reykjavíkurborgar, segir Icelandair Group hafa óskað eftir viðræðum við Reykjavíkurborg um úthlutun lóðar fyrir byggingu framtíðar höfuðstöðva fyrirtækisins í Vatnsmýri.

Dagur greinir frá þessu á Facebook-síðu sinni en þar segir hann fyrirtækið í miklum vexti og þurfa helst að stækka hratt við sig.

„Þrátt fyrir að hafa bætt við sig hæð og verið í endurbótum í núverandi húsnæði við Nauthólsvíkurveg og Hótel Natura. Þetta er fagnaðarefni og það er mér reyndar metnaðarmál að borgin komi til móts við framsækin og vaxandi fyrirtæki sem vilja byggja upp í borginni. Það á sannarlega við um ferðaþjónustuna þar sem Icelandair Group er sannkallaður burðarás. Öflugt atvinnulíf skapar ótal tækifæri til framtíðar í borginni og er vitanlega undirstaða velferðar og góðs samfélags,“ skrifar Dagur.

Hann segir borgarráð hafa tekið vel í erindið og var Ólöfu Örvarsdóttur, sviðsstjóra umhverfis- og skipulagssviðs, og Hrólfi Jónssyni, skrifstofustjóra eigna- og atvinnuþróunar, falið að leiða viðræðurnar við Icelandair Group

Icelandair Group hefur óskað eftir viðræðum við Reykjavíkurborg um úthlutun lóðar fyrir byggingu framtíðar höfuðstöðva...

Posted by Dagur B. Eggertsson on Thursday, January 7, 2016





Fleiri fréttir

Sjá meira


×