Íslenski boltinn

ÍBV mistekist að skora í fimm leikjum af sex í Lengjubikarnum

Anton Ingi Leifsson skrifar
ÍBV er ekki mikið að fagna mörkum þessa daganna.
ÍBV er ekki mikið að fagna mörkum þessa daganna. vísir/stefán
Kenan Turudija tryggði Víking Ólafsvík sigur á ÍBV í A-deild Lengjubikars karla í knattspyrnu í dag. Lokatölur 1-0, en leikið var í Akraneshöllinni.

Eina markið kom eftir 27. mínútna leik, en það skoraði Turudija. Guðjón Orri Sigurjónsson, markvörður ÍBV, fékk að líta rauða spjaldið á 86. mínútu, en ekki komu fleiri mörk og lokatölur 1-0.

ÍBV hefur mistekist að skora í fimm af sex leikjum sínum í Lengjubikarnum, en þeir skoruðu fimm gegn BÍ/Bolungarvík Þeim var þó dæmdur 3-0 sigur gegn Breiðablik þar sem Blikar notuðu ólöglegan leikmann svo markatalan þeirra er 8-12.

Þeir eru í sjöunda sæti riðilsins af átta mögulegum, en Víkingur er sæti ofar.




Fleiri fréttir

Sjá meira


×