Umfjöllun, viðtöl og myndir: Valur - ÍBV 28-24 | Öruggur Valssigur Ingvi Þór Sæmundsson í Vodafone-höllinni skrifar 24. apríl 2014 13:10 Geir Guðmundsson sækir að marki í dag. Vísir/daníel Valsmenn gáfu stuðningsmönnum sínum heldur betur góða sumargjöf, en bæði karla- og kvennalið félagsins unnu sigra á ÍBV í Vodafone höllinni í dag. Kvennalið Vals vann 21-17 og sami munur var í leik karlaliðanna. Valsmenn unnu öruggan sigur 28-24 og jöfnuðu þar með metin í einvíginu við ÍBV. Eyjamenn höfðu frumkvæðið framan af leik og voru jafnan fyrri til að skora. Um miðjan fyrri hálfleik fór Hlynur Morthens, markvörður Vals, hins vegar að verja allt hvað af tók og við það náðu heimamenn betri tökum á leiknum. Sóknarleikurinn fór að ganga betur og á sama tíma dalaði markvarsla Eyjamanna. Valsmenn skoruðu þrjú mörk í röð og breyttu stöðunni úr 9-9 í 12-9, en það var mesti munur sem var á liðunum í fyrri hálfleik. Eyjamenn áttu ágætis endasprett og náðu að minnka muninn í eitt mark, 14-13, en Atli Már Báruson sem sá til þess að munurinn á liðunum væri tvö mörk í leikhléi þegar hann skoraði lokamark fyrri hálfleiks með glæsilegu skoti langt fyrir utan punktalínu. Það var fátt um varnir í upphafi seinni hálfleiks og liðin skoruðu að vild. Hlynur hélt þó áfram að verja á meðan markvarslan hjá ÍBV var lítil sem engin. Eftir um 40 mínútna leik fékk Sindri Haraldsson, leikmaður ÍBV, sína þriðju brottvísun eftir að hafa farið í andlitið í Elvari Friðrikssyni. Brotthvarf Sindra var vatn á myllu Valsmanna, en hann hafði átt góðan leik fyrir ÍBV og skorað fjögur mörk úr fjórum skotum. Hvort brotthvarf Sindra hafði úrslitaáhrif eða ekki skal ósagt látið, en Valsmenn bættu hægt og sígandi við forskot sitt og náðu mest sjö marka forystu, 26-19. Eyjamenn náðu þó að laga stöðuna og þegar uppi var staðið skildu fjögur mörk liðin að. Lokatölur urðu 28-24, Val í vil. Valsliðið spilaði flottan leik og holningin á liðinu var góð. Hlynur varði vel, eins og áður sagði, og í sókninni fékk Valur framlag frá mörgum leikmönnum. Finnur Ingi Stefánsson og Geir Guðmundsson voru atkvæðamestir Valsmanna með sex mörk hvor og þá átti Atli Már góðan leik, en hann spilaði bæði fyrir utan og inni á línunni í dag og skilaði báðum hlutverkunum með sóma. Fátt var um fína drætti hjá gestunum úr Eyjum. Markvarslan var undir pari sem og varnarleikurinn og þá var sóknarleikurinn ráðleysislegur, sérstaklega á kafla í seinni hálfleik þar sem liðið skoraði ekki mark í átta mínútur. Miklu munaði um frammistöðu Róberts Arons Hostert, sem skoraði tíu mörk í fyrsta leik liðanna, en hann var fjarri sínu besta í leiknum í dag og skoraði aðeins eitt mark. Hann þarf að spila betur ætli ÍBV að vinna næsta leik liðanna sem fer fram í Vestmannaeyjum á sunnudaginn kemur kl. 18:00.Ólafur Stefánsson: Eiginlega allir að skila sínu Valsmenn jöfnuðu metin gegn ÍBV í undanúrslitaeinvígi liðanna með 28-24 sigri á heimavelli í dag. En hvað var Ólafur Stefánsson, þjálfari liðsins, ánægðastur með í leik hans manna? "Allt bara, stemmninguna og hausinn. Og líka að ná að höndla þessa pressu sem fylgir því að spila í úrslitakeppni. Ég var ánægður með að mínir menn framkvæmdu hlutina af öryggi og þetta leit aðeins betur út en í fyrsta leiknum." Eyjamenn höfðu frumkvæðið í upphafi leiks, en um miðjan fyrri hálfleik hóf Hlynur Morthens, markvörður heimamanna, að verja eins og berserkur og við það náðu Valsmenn betri tökum á leiknum. "Það munur auðvitað alltaf um varða bolta. Hlynur tók sín skot og kannski aðeins meira en það. Það var auðvitað einn þátturinn í þessu, en heilt yfir voru allir að taka þátt. Það voru eiginlega allir að skila sínu." Valsmönnum gekk betur að eiga við Róbert Aron Hostert, leikmann ÍBV, í dag en í síðasta leik. "Við vorum aðeins aggresívari á hann - þegar hann komst framhjá einum, þá kom annar í staðinn. Við gerðum það betur í dag. Það er erfitt að eiga við hann einn á einn."Arnar Pétursson: Verðum fyrst og fremst að líta á okkur sjálfa. Arnar Pétursson, annar þjálfara ÍBV, var að vonum óánægður eftir fjögurra marka tap hans manna í dag. "Það var ýmislegt sem fór úrskeiðis. Við vorum ekki alveg mættir í upphafi leiks eins og við verðum að vera til að eiga einhvern séns. Valsmennirnir voru líka ferskir og grimmir og unnu þetta nokkuð sannfærandi í dag." "Hlynur var okkur erfiður í dag, en ég held að það hafi verið, af því að mér fannst, við aldrei vera meira en 80% í leiknum. Mér fannst, ef ég á að vera hreinskilinn, Valsmenn taka leikinn yfir. Hlynur varði vel í markinu og var okkur vissulega erfiður og það var kannski ákveðinn vendipunktur í leiknum, en við verðum fyrst og fremst að líta á okkur sjálfa." "Mér finnst við eiga mikið inni fyrir næsta leik. Við eigum helling inni og ef við ætlum okkur eitthvað í þessu einvígi, þá verðum við að sækja hart fram og vera 100% einbeittir." Olís-deild karla Mest lesið Real sló meistarana úr leik eftir vítakeppni Fótbolti Gagnrýna Ólympíubúninga: „Ég er móðir og get ekki látið sjá mig í þessu“ Sport HM í handbolta 2031 fer fram á Íslandi Handbolti Heimir Guðjóns og Óskar Hrafn hafa báðir látið Hallgrím heyra það Íslenski boltinn Vill vera jafn iðinn við kolann og Olga Færseth Íslenski boltinn „Vorum að spila á móti besta liði landsins“ Íslenski boltinn „Djöfull hlýtur að vera óþolandi að spila á móti þessum gaur“ Íslenski boltinn Kimmich tryggði Bayern sæti í undanúrslitum Fótbolti Uppgjör: Tindastóll - Grindavík 88-99 | Gulir með annan fótinn í undanúrslit Körfubolti Vésteinn harmar aðferðir við nýja heimsmetið: „Skjóta sig í fótinn“ Sport Fleiri fréttir Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Elvar Örn frábær og Melsungen mætir Magdeburg í úrslitum Stjarnan tryggði sér oddaleik Gísli og Ómar allt í öllu þegar Magdeburg flaug í úrslit Valur fyrsta lið inn í undanúrslit „Við stóðumst ekki prófið í dag“ Eyjakonur byrja úrslitakeppnina með látum Þórsarar tryggðu sér oddaleik Uppgjörið: Haukar - Stjarnan 36-23 | Yfirburðasigur Hauka Metamfetamín felldi markvörðinn Íslandsmeistararnir hefja titilvörn á sigri gegn Haukum Hafnfirðingar hefja atlögu að titlinum með sigri Óðinn Þór og félagar í undanúrslit Sjá meira
Valsmenn gáfu stuðningsmönnum sínum heldur betur góða sumargjöf, en bæði karla- og kvennalið félagsins unnu sigra á ÍBV í Vodafone höllinni í dag. Kvennalið Vals vann 21-17 og sami munur var í leik karlaliðanna. Valsmenn unnu öruggan sigur 28-24 og jöfnuðu þar með metin í einvíginu við ÍBV. Eyjamenn höfðu frumkvæðið framan af leik og voru jafnan fyrri til að skora. Um miðjan fyrri hálfleik fór Hlynur Morthens, markvörður Vals, hins vegar að verja allt hvað af tók og við það náðu heimamenn betri tökum á leiknum. Sóknarleikurinn fór að ganga betur og á sama tíma dalaði markvarsla Eyjamanna. Valsmenn skoruðu þrjú mörk í röð og breyttu stöðunni úr 9-9 í 12-9, en það var mesti munur sem var á liðunum í fyrri hálfleik. Eyjamenn áttu ágætis endasprett og náðu að minnka muninn í eitt mark, 14-13, en Atli Már Báruson sem sá til þess að munurinn á liðunum væri tvö mörk í leikhléi þegar hann skoraði lokamark fyrri hálfleiks með glæsilegu skoti langt fyrir utan punktalínu. Það var fátt um varnir í upphafi seinni hálfleiks og liðin skoruðu að vild. Hlynur hélt þó áfram að verja á meðan markvarslan hjá ÍBV var lítil sem engin. Eftir um 40 mínútna leik fékk Sindri Haraldsson, leikmaður ÍBV, sína þriðju brottvísun eftir að hafa farið í andlitið í Elvari Friðrikssyni. Brotthvarf Sindra var vatn á myllu Valsmanna, en hann hafði átt góðan leik fyrir ÍBV og skorað fjögur mörk úr fjórum skotum. Hvort brotthvarf Sindra hafði úrslitaáhrif eða ekki skal ósagt látið, en Valsmenn bættu hægt og sígandi við forskot sitt og náðu mest sjö marka forystu, 26-19. Eyjamenn náðu þó að laga stöðuna og þegar uppi var staðið skildu fjögur mörk liðin að. Lokatölur urðu 28-24, Val í vil. Valsliðið spilaði flottan leik og holningin á liðinu var góð. Hlynur varði vel, eins og áður sagði, og í sókninni fékk Valur framlag frá mörgum leikmönnum. Finnur Ingi Stefánsson og Geir Guðmundsson voru atkvæðamestir Valsmanna með sex mörk hvor og þá átti Atli Már góðan leik, en hann spilaði bæði fyrir utan og inni á línunni í dag og skilaði báðum hlutverkunum með sóma. Fátt var um fína drætti hjá gestunum úr Eyjum. Markvarslan var undir pari sem og varnarleikurinn og þá var sóknarleikurinn ráðleysislegur, sérstaklega á kafla í seinni hálfleik þar sem liðið skoraði ekki mark í átta mínútur. Miklu munaði um frammistöðu Róberts Arons Hostert, sem skoraði tíu mörk í fyrsta leik liðanna, en hann var fjarri sínu besta í leiknum í dag og skoraði aðeins eitt mark. Hann þarf að spila betur ætli ÍBV að vinna næsta leik liðanna sem fer fram í Vestmannaeyjum á sunnudaginn kemur kl. 18:00.Ólafur Stefánsson: Eiginlega allir að skila sínu Valsmenn jöfnuðu metin gegn ÍBV í undanúrslitaeinvígi liðanna með 28-24 sigri á heimavelli í dag. En hvað var Ólafur Stefánsson, þjálfari liðsins, ánægðastur með í leik hans manna? "Allt bara, stemmninguna og hausinn. Og líka að ná að höndla þessa pressu sem fylgir því að spila í úrslitakeppni. Ég var ánægður með að mínir menn framkvæmdu hlutina af öryggi og þetta leit aðeins betur út en í fyrsta leiknum." Eyjamenn höfðu frumkvæðið í upphafi leiks, en um miðjan fyrri hálfleik hóf Hlynur Morthens, markvörður heimamanna, að verja eins og berserkur og við það náðu Valsmenn betri tökum á leiknum. "Það munur auðvitað alltaf um varða bolta. Hlynur tók sín skot og kannski aðeins meira en það. Það var auðvitað einn þátturinn í þessu, en heilt yfir voru allir að taka þátt. Það voru eiginlega allir að skila sínu." Valsmönnum gekk betur að eiga við Róbert Aron Hostert, leikmann ÍBV, í dag en í síðasta leik. "Við vorum aðeins aggresívari á hann - þegar hann komst framhjá einum, þá kom annar í staðinn. Við gerðum það betur í dag. Það er erfitt að eiga við hann einn á einn."Arnar Pétursson: Verðum fyrst og fremst að líta á okkur sjálfa. Arnar Pétursson, annar þjálfara ÍBV, var að vonum óánægður eftir fjögurra marka tap hans manna í dag. "Það var ýmislegt sem fór úrskeiðis. Við vorum ekki alveg mættir í upphafi leiks eins og við verðum að vera til að eiga einhvern séns. Valsmennirnir voru líka ferskir og grimmir og unnu þetta nokkuð sannfærandi í dag." "Hlynur var okkur erfiður í dag, en ég held að það hafi verið, af því að mér fannst, við aldrei vera meira en 80% í leiknum. Mér fannst, ef ég á að vera hreinskilinn, Valsmenn taka leikinn yfir. Hlynur varði vel í markinu og var okkur vissulega erfiður og það var kannski ákveðinn vendipunktur í leiknum, en við verðum fyrst og fremst að líta á okkur sjálfa." "Mér finnst við eiga mikið inni fyrir næsta leik. Við eigum helling inni og ef við ætlum okkur eitthvað í þessu einvígi, þá verðum við að sækja hart fram og vera 100% einbeittir."
Olís-deild karla Mest lesið Real sló meistarana úr leik eftir vítakeppni Fótbolti Gagnrýna Ólympíubúninga: „Ég er móðir og get ekki látið sjá mig í þessu“ Sport HM í handbolta 2031 fer fram á Íslandi Handbolti Heimir Guðjóns og Óskar Hrafn hafa báðir látið Hallgrím heyra það Íslenski boltinn Vill vera jafn iðinn við kolann og Olga Færseth Íslenski boltinn „Vorum að spila á móti besta liði landsins“ Íslenski boltinn „Djöfull hlýtur að vera óþolandi að spila á móti þessum gaur“ Íslenski boltinn Kimmich tryggði Bayern sæti í undanúrslitum Fótbolti Uppgjör: Tindastóll - Grindavík 88-99 | Gulir með annan fótinn í undanúrslit Körfubolti Vésteinn harmar aðferðir við nýja heimsmetið: „Skjóta sig í fótinn“ Sport Fleiri fréttir Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Elvar Örn frábær og Melsungen mætir Magdeburg í úrslitum Stjarnan tryggði sér oddaleik Gísli og Ómar allt í öllu þegar Magdeburg flaug í úrslit Valur fyrsta lið inn í undanúrslit „Við stóðumst ekki prófið í dag“ Eyjakonur byrja úrslitakeppnina með látum Þórsarar tryggðu sér oddaleik Uppgjörið: Haukar - Stjarnan 36-23 | Yfirburðasigur Hauka Metamfetamín felldi markvörðinn Íslandsmeistararnir hefja titilvörn á sigri gegn Haukum Hafnfirðingar hefja atlögu að titlinum með sigri Óðinn Þór og félagar í undanúrslit Sjá meira
Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga