Umfjöllun og viðtöl: Valur - FH 32-28 | Markverðirnir í aðalhlutverki í sigri Vals Ingvi Þór Sæmundsson í Strandgötu skrifar 27. desember 2014 00:01 Sveinn Aron Sveinsson, leikmaður Vals. vísir/stefán Valsmenn báru sigurorð af FH, 32-28, í fyrri undanúrslitaleik deildarbikars HSÍ og Flugfélags Íslands. Leikurinn var gríðarlega spennandi og það þurfti tvær framlengingar til að knýja fram úrslit. Markverðir liðanna, Stephen Nielsen og Ágúst Elí Björgvinsson, voru í aðalhlutverki í leiknum í dag, en þeir vörðu báðir yfir 30 skot og sýndu mögnuð tilþrif. Fyrri hálfleikur var sveiflukenndur. FH byrjaði betur og komst í 0-3, en þá komu fimm Valsmörk í röð. Nielsen byrjaði vel í marki Vals og sömu sögu var að segja af kollega hans í marki FH, Ágústi sem átti hvað stærstan þátt í góðum endaspretti FH í fyrri hálfleik. Hafnfirðingar breyttu stöðunni úr 8-8 í 8-11 sem voru hálfleikstölur. Þorgeir Björnsson skoraði tvö af síðustu þremur mörkum FH, en þessi ungi hornamaður var ískaldur og vippaði í bæði skiptin smekklega yfir Nielsen. Valsmenn skoruðu ekki síðustu níu mínútur fyrri hálfleiks og áttu í miklum vandræðum í sóknarleiknum. Ómar Ingi Magnússon og Alexander Örn Júlíusson, sem léku fyrir utan í fjarveru Geirs Guðmundssonar og Guðmundar Hólmars Helgasonar, áttu misjafnan leik og tóku full mikið af lélegum skotum. Ómari óx hins vegar ásmegin eftir því sem á leikinn leið og endaði sem markahæsti leikmaður Vals með átta mörk. Valsmönnum gekk auk þess illa að finna Kára Kristjánsson inni á línunni í fyrri hálfleik, en það losnaði meira hann í seinni hálfleiknum og framlengingunum þar sem hann skoraði öll sjö mörkin sín. FH-ingar héldu áfram þar sem frá var horfið framan af seinni hálfleik og voru jafnan með 2-4 marka forystu. En í stöðunni 14-17, Hafnfirðingum í vil, fóru Valsmenn í gang, skoruðu fimm af næstu sex mörkum og náðu forystunni, 19-18. Sóknarleikur Vals hrökk þá aftur í baklás og FH-ingar gengu á lagið, skoruðu þrjú mörk í röð og náðu tveggja marka forystu. Og Hafnfirðingar voru enn með tveggja marka forystu 21-23 þegar mínúta var eftir. Valsmenn sýndu hins vegar styrk og skoruðu tvö síðustu mörkin og tryggðu sér framlengingu. Þar skoruðu liðin sitt hvor tvö mörkin og því þurfti að framlengja á ný. Í framlengingu númer tvö reyndust Valsmenn sterkari. Þeir virtust eiga meira eftir á tankinum og spiluðu sinn besta sóknarleik í leiknum. Lokatölur 32-28, Val í vil, en Valsmenn mæta annað hvort ÍR eða Aftureldingu í úrslitaleiknum á morgun.Stephen: Búinn að borða of mikinn jólamat "Það er alltaf gaman að vinna leiki og sérstaklega svona leiki. Þetta var erfitt en ég er mjög ánægður með sigurinn," sagði Stephen Nielsen, markvörður Vals, eftir sigur á FH í tvíframlengdum leik. Stephen átti frábæran leik og varði alls 34 skot í marki Valsmanna. Hann var ánægður með eigin frammistöðu og hrósaði einnig varnarleik Vals. "Þetta gekk ágætlega. Þetta er í fyrsta sinn sem ég spila svona langan leik í meistaraflokki. "Vörnin var góð og það er oft sagt að vörn og markvarsla haldist í hendur," sagði Stephen en var ekkert erfitt að halda einbeitingu í 80 mínútur? "Maður fann á líkamanum að maður var búinn að borða of mikinn jólamat," sagði Stephen léttur og bætti við: "Maður reynir bara að gleyma þreytunni. Þetta var gaman og ég elska leiki eins og þessa," sagði þessi geðþekki danski markvörður á góðri íslensku að lokum.Ágúst Elí: Spiluðum af 100% krafti allan leikinn Ágúst Elí Björgvinsson átti frábæran leik í marki FH þegar liðið tapaði fyrir Val í maraþonleik í dag. Hann var sáttur með sína frammistöðu sem og liðsins, en sagði að það væri erfitt að kyngja svona tapi. "Þetta er súrt og leiðinlegt, en svona er þetta. Það er ekkert sem ég get gert í sókninni, en ég reyndi að verja skotin sem ég fékk á mig. "Við vorum fínir varnarlega og ég varði auðvelda bolta," sagði Ágúst, en varð sóknarleikurinn FH að falli í dag? "Nei, nei. Ég segi það ekki. Við sköpuðum okkur færi en Stephen varði líka eins og brjálæðingur. Við hefðum mátt nýta færin betur," sagði Ágúst sem segir að FH-ingar geti tekið margt gott úr þessum leik. "Við héldum t.d. út og spiluðum af 100% krafti allan leikinn og menn lögðu sig alla fram. "Nú taka við æfingar og við ætlum að styrkjast líkamlega og andlega. Það verður örugglega stuð í janúar," sagði Ágúst að endingu. Íslenski handboltinn Mest lesið Hristir hausinn yfir „glórulausum“ og „smásálarlegum“ ummælum Körfubolti Uppgjörið: Njarðvík - Þór Þ. 98-97 | Þorvaldur Orri tryggði Njarðvík sigur með flautukörfu í framlengingu Körfubolti Heimsmet Japanans gildir ekki Sport Leik lokið: Keflavík - Breiðablik 2-1| Sami Kamel afgreiddi Blika Íslenski boltinn Magnaðasta mark sumarsins á fyrsta degi þess? Fótbolti Krókur Liverpool á móti bragði Enski boltinn Krakkalæti og langt bann eða gult og málið dautt? Íslenski boltinn Hamrén hafnaði 388 milljóna samningi Fótbolti „Eins og að fá hníf í bakið“ Sport Taka gamlar hetjur fram skóna í bikarnum í dag? Íslenski boltinn Fleiri fréttir FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Sjá meira
Valsmenn báru sigurorð af FH, 32-28, í fyrri undanúrslitaleik deildarbikars HSÍ og Flugfélags Íslands. Leikurinn var gríðarlega spennandi og það þurfti tvær framlengingar til að knýja fram úrslit. Markverðir liðanna, Stephen Nielsen og Ágúst Elí Björgvinsson, voru í aðalhlutverki í leiknum í dag, en þeir vörðu báðir yfir 30 skot og sýndu mögnuð tilþrif. Fyrri hálfleikur var sveiflukenndur. FH byrjaði betur og komst í 0-3, en þá komu fimm Valsmörk í röð. Nielsen byrjaði vel í marki Vals og sömu sögu var að segja af kollega hans í marki FH, Ágústi sem átti hvað stærstan þátt í góðum endaspretti FH í fyrri hálfleik. Hafnfirðingar breyttu stöðunni úr 8-8 í 8-11 sem voru hálfleikstölur. Þorgeir Björnsson skoraði tvö af síðustu þremur mörkum FH, en þessi ungi hornamaður var ískaldur og vippaði í bæði skiptin smekklega yfir Nielsen. Valsmenn skoruðu ekki síðustu níu mínútur fyrri hálfleiks og áttu í miklum vandræðum í sóknarleiknum. Ómar Ingi Magnússon og Alexander Örn Júlíusson, sem léku fyrir utan í fjarveru Geirs Guðmundssonar og Guðmundar Hólmars Helgasonar, áttu misjafnan leik og tóku full mikið af lélegum skotum. Ómari óx hins vegar ásmegin eftir því sem á leikinn leið og endaði sem markahæsti leikmaður Vals með átta mörk. Valsmönnum gekk auk þess illa að finna Kára Kristjánsson inni á línunni í fyrri hálfleik, en það losnaði meira hann í seinni hálfleiknum og framlengingunum þar sem hann skoraði öll sjö mörkin sín. FH-ingar héldu áfram þar sem frá var horfið framan af seinni hálfleik og voru jafnan með 2-4 marka forystu. En í stöðunni 14-17, Hafnfirðingum í vil, fóru Valsmenn í gang, skoruðu fimm af næstu sex mörkum og náðu forystunni, 19-18. Sóknarleikur Vals hrökk þá aftur í baklás og FH-ingar gengu á lagið, skoruðu þrjú mörk í röð og náðu tveggja marka forystu. Og Hafnfirðingar voru enn með tveggja marka forystu 21-23 þegar mínúta var eftir. Valsmenn sýndu hins vegar styrk og skoruðu tvö síðustu mörkin og tryggðu sér framlengingu. Þar skoruðu liðin sitt hvor tvö mörkin og því þurfti að framlengja á ný. Í framlengingu númer tvö reyndust Valsmenn sterkari. Þeir virtust eiga meira eftir á tankinum og spiluðu sinn besta sóknarleik í leiknum. Lokatölur 32-28, Val í vil, en Valsmenn mæta annað hvort ÍR eða Aftureldingu í úrslitaleiknum á morgun.Stephen: Búinn að borða of mikinn jólamat "Það er alltaf gaman að vinna leiki og sérstaklega svona leiki. Þetta var erfitt en ég er mjög ánægður með sigurinn," sagði Stephen Nielsen, markvörður Vals, eftir sigur á FH í tvíframlengdum leik. Stephen átti frábæran leik og varði alls 34 skot í marki Valsmanna. Hann var ánægður með eigin frammistöðu og hrósaði einnig varnarleik Vals. "Þetta gekk ágætlega. Þetta er í fyrsta sinn sem ég spila svona langan leik í meistaraflokki. "Vörnin var góð og það er oft sagt að vörn og markvarsla haldist í hendur," sagði Stephen en var ekkert erfitt að halda einbeitingu í 80 mínútur? "Maður fann á líkamanum að maður var búinn að borða of mikinn jólamat," sagði Stephen léttur og bætti við: "Maður reynir bara að gleyma þreytunni. Þetta var gaman og ég elska leiki eins og þessa," sagði þessi geðþekki danski markvörður á góðri íslensku að lokum.Ágúst Elí: Spiluðum af 100% krafti allan leikinn Ágúst Elí Björgvinsson átti frábæran leik í marki FH þegar liðið tapaði fyrir Val í maraþonleik í dag. Hann var sáttur með sína frammistöðu sem og liðsins, en sagði að það væri erfitt að kyngja svona tapi. "Þetta er súrt og leiðinlegt, en svona er þetta. Það er ekkert sem ég get gert í sókninni, en ég reyndi að verja skotin sem ég fékk á mig. "Við vorum fínir varnarlega og ég varði auðvelda bolta," sagði Ágúst, en varð sóknarleikurinn FH að falli í dag? "Nei, nei. Ég segi það ekki. Við sköpuðum okkur færi en Stephen varði líka eins og brjálæðingur. Við hefðum mátt nýta færin betur," sagði Ágúst sem segir að FH-ingar geti tekið margt gott úr þessum leik. "Við héldum t.d. út og spiluðum af 100% krafti allan leikinn og menn lögðu sig alla fram. "Nú taka við æfingar og við ætlum að styrkjast líkamlega og andlega. Það verður örugglega stuð í janúar," sagði Ágúst að endingu.
Íslenski handboltinn Mest lesið Hristir hausinn yfir „glórulausum“ og „smásálarlegum“ ummælum Körfubolti Uppgjörið: Njarðvík - Þór Þ. 98-97 | Þorvaldur Orri tryggði Njarðvík sigur með flautukörfu í framlengingu Körfubolti Heimsmet Japanans gildir ekki Sport Leik lokið: Keflavík - Breiðablik 2-1| Sami Kamel afgreiddi Blika Íslenski boltinn Magnaðasta mark sumarsins á fyrsta degi þess? Fótbolti Krókur Liverpool á móti bragði Enski boltinn Krakkalæti og langt bann eða gult og málið dautt? Íslenski boltinn Hamrén hafnaði 388 milljóna samningi Fótbolti „Eins og að fá hníf í bakið“ Sport Taka gamlar hetjur fram skóna í bikarnum í dag? Íslenski boltinn Fleiri fréttir FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Sjá meira
Uppgjörið: Njarðvík - Þór Þ. 98-97 | Þorvaldur Orri tryggði Njarðvík sigur með flautukörfu í framlengingu Körfubolti
Uppgjörið: Njarðvík - Þór Þ. 98-97 | Þorvaldur Orri tryggði Njarðvík sigur með flautukörfu í framlengingu Körfubolti