Enski boltinn

City styrkir stöðu sína með sigri

Eiríkur Stefán Ásgeirsson skrifar
Kun Agüero fagnar marki sínu í dag.
Kun Agüero fagnar marki sínu í dag. Vísir/Getty
Manchester City er svo gott sem öruggt með sæti í Meistaradeild Evrópu á næstu leiktíð eftir 1-0 sigur á Tottenham i Lundúnum í dag.

Sergio Agüero skoraði eina mark leiksins á 29. mínútu en með sigrinum komst City upp í annað sæti deildarinnar. Liðið er með 70 stig, níu meira en Liverpool sem er í fimmta sæti þegar þrjár umferðir eru eftir af deildinni.

Tottenham varð hins vegar af dýrmætum stigum í baráttunni við Liverpool um fimmta sæti deildarinnar og þátttökurétt í Evrópudeild UEFA. Liðið er nú þremur stigum á eftir Liverpool sem hafði betur gegn QPR í gær.

Markið sem Agüero skoraði í dag var hans 22. mark á tímabilinu og er hann markahæsti leikmaður ensku úrvalsdeildarinnar. Sá næstmarkahæsti, Harry Kane hjá Tottenham, fékk færi til að skora í dag en nýtti þau ekki.

Aguero kemur City 1-0 yfir:



Fleiri fréttir

Sjá meira


×