Umfjöllun og viðtöl: Þór Þ. - Skallagrímur 74-76 | Borgnesingar með mikilvægan sigur Ingvi Þór Sæmundsson í Icelandic Glacial höllinni skrifar 9. desember 2016 21:45 Flenard Whitfield var stigahæstur að vanda hjá Skallagrími. vísir/eyþór Skallagrímur fór bæði stigin heim í Borgarnes eftir tveggja stiga sigur, 74-76, á Þór í Þorlákshöfn í 10. umferð Domino's deildar karla í kvöld. Með sigrinum komst Skallagrímur upp í 5. sæti deildarinnar en Þór Þ., sem er búinn að tapa fimm leikjum í röð, er í því áttunda. Borgnesingar voru í bílstjórasætinu nánast allan leikinn. Skallagrímur leiddi með fimm stigum í hálfleik og fyrir fjórða og síðasta leikhlutann var staðan 55-63, gestunum í vil. Þórsarar komu með sterkt áhlaup í 4. leikhluta og náðu fjögurra stiga forystu, 73-69, þegar tvær mínútur voru eftir. En Borgnesingar sýndu styrk á lokakaflanum og ekki síst ungu leikmennirnir í liðinu. Davíð Ágústsson jafnaði metin í 73-73 með risastórum þristi og Kristófer Gíslason skoraði svo sigurkörfuna. Lokatölur 74-76, Skallagrími í vil.Af hverju vann Skallagrímur? Þótt leikurinn hafi verið jafn og munurinn aldrei mikill voru Borgnesingar alltaf með yfirhöndina. Þeir spiluðu sterka vörn og í sókninni voru margir sem lögðu hönd á plóg. Gestirnir hittu vel fyrir utan, og þá sérstaklega í fyrri hálfleik og liðsframlagið var meira og betra hjá þeim en heimamönnum.Bestu menn vallarins: Tobin Carberry skilaði flottum tölum, 33 stigum og 15 fráköstum, og var illviðráðanlegur á köflum. Bandaríkjamaðurinn var þó ekki með eina einustu stoðsendingu sem er athyglisvert í ljósi þess að hann var með boltann í höndunum meirihlutann af leiknum. Hjá Skallagrími voru margir sem áttu góðan leik. Magnús Þór Gunnarsson var öflugur í fyrri hálfleik og skoraði þá 11 af 13 stigum sínum. Flenard Whitfield hitti illa en skilaði samt 21 stigi og 12 fráköstum. Darrell Flake var drjúgur sem og ungu mennirnir, Davíð og Kristófer, sem sýndu mikinn styrk undir lokin.Tölfræði sem vakti athygli: Þór hitti aðeins úr einu af 19 þriggja stiga skotum sínum í leiknum. Það gerir 5% skotnýtingu. Þá gaf Þorlákshafnarliðið aðeins fimm stoðsendingar í öllum leiknum sem sýnir hversu einhæfur sóknarleikur þess var.Hvað gekk illa? Sóknarleikur Þórsara var eins og áður sagði einhæfur og á köflum var eins og Carberry væri að spila einn á móti öllum. Vörn Þórsara var ágæt en liðið þarf að bæta sóknarleikinn til að komast aftur á sigurbraut.Einar Árni: Eins og staðan er núna hefur enginn trú á okkur Það var þungt hljóðið í Einari Árna Jóhannsyni, þjálfara Þórs Þ., eftir tapið fyrir Skallagrími í kvöld. Þetta var fimmta tap Þórsara í röð og Einar Árni segir að þeir séu komnir í fallbaráttu. „Þetta eru mikil vonbrigði. Þetta er framhald frá síðustu vikum,“ sagði Einar Árni sem var ekki nógu sáttur með spilamennsku sinna manna í kvöld. „Það var einhvern veginn meiri kraftur í þeim. Mér fannst við gera vel í koma til baka og vorum fjórum stigum yfir þegar tvær mínútur voru eftir. En við gerum fullt af mistökum og tökum þriggja stiga skot þegar við áttum að fara á körfuna.“ Sóknarleikur Þórs var slakur í kvöld en til marks um það skoraði liðið aðeins eina þriggja stiga körfu og gaf aðeins fimm stoðsendingar í öllum leiknum. „Sóknarleikur og höfuðið á okkur er það sem við þurfum að hugsa mest um fyrir næsta leik. Þeir skoruðu 76 stig og á okkar heimavelli á það að duga,“ sagði Einar Árni. Þjálfarinn segir að Þórsarar verði núna að horfast í augu við stöðuna, að þeir eru í fallbaráttu. „Þetta er bara staðan, við erum ekki betri en þetta í dag. Við erum bara í fallbaráttu, þótt hún sé breið og mikil. Ef það hefur verið að plaga okkur að menn töluðu vel um okkur í upphafi, þá getum við hætt að bera það á öxlunum,“ sagði Einar Árni. „Eins og staðan er núna hefur enginn trú á okkur, enda erum við ekki að spila vel. Bikarleikurinn gegn Keflavík fær mann til að hugsa um Jekyll og Hyde. Við nálguðumst verkefnin á ólíkan hátt. Þar var mikil stemmning og við fengum mikið liðsframlag en hérna duttum við niður á plan sem við höfum oft sýnt á undanförnum vikum.“Finnur: Spiluðum dúndurvörn Finnur Jónsson, þjálfari Skallagríms, var skiljanlega sáttur með góðan sigur sinna manna á Þór í Þorlákshöfn í kvöld. „Þetta var meiriháttar. Mér fannst við eiga þetta skilið. Við spiluðum dúndurvörn, reyndar eins og þeir. En mér fannst við vera betri í þessum leik,“ sagði Finnur sem kvaðst ánægður með liðsheildina í leiknum í kvöld. „Menn komu vel stemmdir til leiks. Við töpuðum illa fyrir Tindastóli síðast og við ætluðum að laga það. Allir sem spiluðu komu með framlag,“ sagði Finnur. Hann hrósaði ungu strákunum hjá Skallagrími sem voru sérlega mikilvægir á lokakafla leiksins. „Heldur betur. Við misstum Sigtrygg Arnar [Björnsson], leikstjórnandann okkar, út af undir lokin en þeir komu inn á, héldu haus og voru naglar.“ Skallagrímur var búinn að tapa tveimur leikjum í röð fyrir leikinn í kvöld. Finnur var ánægður að sjá hvernig Borgnesingar svöruðu fyrir þau töp í kvöld. „Engin spurning. Þetta eru flottir strákir. Ég hef trú á þeim og þeir hafa trú á verkefninu,“ sagði Finnur að lokum.Bein lýsing: Þór Þ. - Skallagrímur Dominos-deild karla Mest lesið Krakkalæti og langt bann eða gult og málið dautt? Íslenski boltinn Tíu KR-ingar skoruðu níu í gölnum leik Íslenski boltinn Bayern hyggst ráða manninn sem United losaði sig við Fótbolti Taka gamlar hetjur fram skóna í bikarnum í dag? Íslenski boltinn „Skrítið að spila á móti liði sem þú varst í þegar þú varst ungur“ Íslenski boltinn „Þetta einvígi er bara rétt að byrja“ Handbolti Krókur Liverpool á móti bragði Enski boltinn Líflausir Liverpoolmenn skrá sig út úr titilbaráttunni Enski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Fleiri fréttir Uppgjörið og viðtöl: Haukar 73-75 Stjarnan | Stjarnan áfram eftir naglbít Martin frábær í öruggum sigri „Við erum ekki með stráka sem þurfa að vera hetjur“ Sjáðu mömmu Remy Martin syngja og dansa á hliðarlínunni Luka og félagar jöfnuðu: „Þetta var 90s körfubolti eins og hann gerist bestur“ Sérfræðingarnir ekki sammála og mikil spenna fyrir oddaleikinn „Ég er bara mjög spenntur, þeir eru klárlega ‘the team to beat’“ „Maður hugsar ekki þannig sem þjálfari“ Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Murray kramdi Lakers-hjörtun Viðar Örn: Stoltur af liðinu fyrir að skilja allt eftir á gólfinu Einar Árni hættur hjá Hetti „Erfitt að vinna þá þrisvar sinnum í röð“ Aþena er komið í úrslitaeinvígi um sæti í Subway-deild kvenna „Fannst að við hefðum átt að ná þessum mómentum fyrr“ Uppgjör: Þór Þ. - Njarðvík 84-91 | Gestirnir tryggðu sér oddaleik Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Losnar stjarna Aþenu úr frystiklefa Brynjars Karls? Skoraði 35 stig í fyrri hálfleik „Mér finnst þetta fullmikið“ Fær þriggja leikja bann fyrir pungspark á Hlíðarenda Kawhi-lausir Clippers í engum vandræðum með Mavericks Svanirnir hefja flug í úrslitakeppninni „Við algjörlega frusum“ „Maður harkar þetta bara af sér og heldur áfram fyrir liðið“ Uppgjörið: Stjarnan - Haukar 73 - 64 | Ótrúleg endurkoma tryggði Stjörnunni oddaleik Mætti eins og Gru í „Despicable Me“ og kláraði síðan Lakers Gaf á sjálfan sig, tróð með látum og fór svo meiddur af velli Úlfarnir með stórsigur í fyrsta leik gegn Suns Þórsarar unnu oddaleikinn og halda áfram í undanúrslit Sjá meira
Skallagrímur fór bæði stigin heim í Borgarnes eftir tveggja stiga sigur, 74-76, á Þór í Þorlákshöfn í 10. umferð Domino's deildar karla í kvöld. Með sigrinum komst Skallagrímur upp í 5. sæti deildarinnar en Þór Þ., sem er búinn að tapa fimm leikjum í röð, er í því áttunda. Borgnesingar voru í bílstjórasætinu nánast allan leikinn. Skallagrímur leiddi með fimm stigum í hálfleik og fyrir fjórða og síðasta leikhlutann var staðan 55-63, gestunum í vil. Þórsarar komu með sterkt áhlaup í 4. leikhluta og náðu fjögurra stiga forystu, 73-69, þegar tvær mínútur voru eftir. En Borgnesingar sýndu styrk á lokakaflanum og ekki síst ungu leikmennirnir í liðinu. Davíð Ágústsson jafnaði metin í 73-73 með risastórum þristi og Kristófer Gíslason skoraði svo sigurkörfuna. Lokatölur 74-76, Skallagrími í vil.Af hverju vann Skallagrímur? Þótt leikurinn hafi verið jafn og munurinn aldrei mikill voru Borgnesingar alltaf með yfirhöndina. Þeir spiluðu sterka vörn og í sókninni voru margir sem lögðu hönd á plóg. Gestirnir hittu vel fyrir utan, og þá sérstaklega í fyrri hálfleik og liðsframlagið var meira og betra hjá þeim en heimamönnum.Bestu menn vallarins: Tobin Carberry skilaði flottum tölum, 33 stigum og 15 fráköstum, og var illviðráðanlegur á köflum. Bandaríkjamaðurinn var þó ekki með eina einustu stoðsendingu sem er athyglisvert í ljósi þess að hann var með boltann í höndunum meirihlutann af leiknum. Hjá Skallagrími voru margir sem áttu góðan leik. Magnús Þór Gunnarsson var öflugur í fyrri hálfleik og skoraði þá 11 af 13 stigum sínum. Flenard Whitfield hitti illa en skilaði samt 21 stigi og 12 fráköstum. Darrell Flake var drjúgur sem og ungu mennirnir, Davíð og Kristófer, sem sýndu mikinn styrk undir lokin.Tölfræði sem vakti athygli: Þór hitti aðeins úr einu af 19 þriggja stiga skotum sínum í leiknum. Það gerir 5% skotnýtingu. Þá gaf Þorlákshafnarliðið aðeins fimm stoðsendingar í öllum leiknum sem sýnir hversu einhæfur sóknarleikur þess var.Hvað gekk illa? Sóknarleikur Þórsara var eins og áður sagði einhæfur og á köflum var eins og Carberry væri að spila einn á móti öllum. Vörn Þórsara var ágæt en liðið þarf að bæta sóknarleikinn til að komast aftur á sigurbraut.Einar Árni: Eins og staðan er núna hefur enginn trú á okkur Það var þungt hljóðið í Einari Árna Jóhannsyni, þjálfara Þórs Þ., eftir tapið fyrir Skallagrími í kvöld. Þetta var fimmta tap Þórsara í röð og Einar Árni segir að þeir séu komnir í fallbaráttu. „Þetta eru mikil vonbrigði. Þetta er framhald frá síðustu vikum,“ sagði Einar Árni sem var ekki nógu sáttur með spilamennsku sinna manna í kvöld. „Það var einhvern veginn meiri kraftur í þeim. Mér fannst við gera vel í koma til baka og vorum fjórum stigum yfir þegar tvær mínútur voru eftir. En við gerum fullt af mistökum og tökum þriggja stiga skot þegar við áttum að fara á körfuna.“ Sóknarleikur Þórs var slakur í kvöld en til marks um það skoraði liðið aðeins eina þriggja stiga körfu og gaf aðeins fimm stoðsendingar í öllum leiknum. „Sóknarleikur og höfuðið á okkur er það sem við þurfum að hugsa mest um fyrir næsta leik. Þeir skoruðu 76 stig og á okkar heimavelli á það að duga,“ sagði Einar Árni. Þjálfarinn segir að Þórsarar verði núna að horfast í augu við stöðuna, að þeir eru í fallbaráttu. „Þetta er bara staðan, við erum ekki betri en þetta í dag. Við erum bara í fallbaráttu, þótt hún sé breið og mikil. Ef það hefur verið að plaga okkur að menn töluðu vel um okkur í upphafi, þá getum við hætt að bera það á öxlunum,“ sagði Einar Árni. „Eins og staðan er núna hefur enginn trú á okkur, enda erum við ekki að spila vel. Bikarleikurinn gegn Keflavík fær mann til að hugsa um Jekyll og Hyde. Við nálguðumst verkefnin á ólíkan hátt. Þar var mikil stemmning og við fengum mikið liðsframlag en hérna duttum við niður á plan sem við höfum oft sýnt á undanförnum vikum.“Finnur: Spiluðum dúndurvörn Finnur Jónsson, þjálfari Skallagríms, var skiljanlega sáttur með góðan sigur sinna manna á Þór í Þorlákshöfn í kvöld. „Þetta var meiriháttar. Mér fannst við eiga þetta skilið. Við spiluðum dúndurvörn, reyndar eins og þeir. En mér fannst við vera betri í þessum leik,“ sagði Finnur sem kvaðst ánægður með liðsheildina í leiknum í kvöld. „Menn komu vel stemmdir til leiks. Við töpuðum illa fyrir Tindastóli síðast og við ætluðum að laga það. Allir sem spiluðu komu með framlag,“ sagði Finnur. Hann hrósaði ungu strákunum hjá Skallagrími sem voru sérlega mikilvægir á lokakafla leiksins. „Heldur betur. Við misstum Sigtrygg Arnar [Björnsson], leikstjórnandann okkar, út af undir lokin en þeir komu inn á, héldu haus og voru naglar.“ Skallagrímur var búinn að tapa tveimur leikjum í röð fyrir leikinn í kvöld. Finnur var ánægður að sjá hvernig Borgnesingar svöruðu fyrir þau töp í kvöld. „Engin spurning. Þetta eru flottir strákir. Ég hef trú á þeim og þeir hafa trú á verkefninu,“ sagði Finnur að lokum.Bein lýsing: Þór Þ. - Skallagrímur
Dominos-deild karla Mest lesið Krakkalæti og langt bann eða gult og málið dautt? Íslenski boltinn Tíu KR-ingar skoruðu níu í gölnum leik Íslenski boltinn Bayern hyggst ráða manninn sem United losaði sig við Fótbolti Taka gamlar hetjur fram skóna í bikarnum í dag? Íslenski boltinn „Skrítið að spila á móti liði sem þú varst í þegar þú varst ungur“ Íslenski boltinn „Þetta einvígi er bara rétt að byrja“ Handbolti Krókur Liverpool á móti bragði Enski boltinn Líflausir Liverpoolmenn skrá sig út úr titilbaráttunni Enski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Fleiri fréttir Uppgjörið og viðtöl: Haukar 73-75 Stjarnan | Stjarnan áfram eftir naglbít Martin frábær í öruggum sigri „Við erum ekki með stráka sem þurfa að vera hetjur“ Sjáðu mömmu Remy Martin syngja og dansa á hliðarlínunni Luka og félagar jöfnuðu: „Þetta var 90s körfubolti eins og hann gerist bestur“ Sérfræðingarnir ekki sammála og mikil spenna fyrir oddaleikinn „Ég er bara mjög spenntur, þeir eru klárlega ‘the team to beat’“ „Maður hugsar ekki þannig sem þjálfari“ Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Murray kramdi Lakers-hjörtun Viðar Örn: Stoltur af liðinu fyrir að skilja allt eftir á gólfinu Einar Árni hættur hjá Hetti „Erfitt að vinna þá þrisvar sinnum í röð“ Aþena er komið í úrslitaeinvígi um sæti í Subway-deild kvenna „Fannst að við hefðum átt að ná þessum mómentum fyrr“ Uppgjör: Þór Þ. - Njarðvík 84-91 | Gestirnir tryggðu sér oddaleik Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Losnar stjarna Aþenu úr frystiklefa Brynjars Karls? Skoraði 35 stig í fyrri hálfleik „Mér finnst þetta fullmikið“ Fær þriggja leikja bann fyrir pungspark á Hlíðarenda Kawhi-lausir Clippers í engum vandræðum með Mavericks Svanirnir hefja flug í úrslitakeppninni „Við algjörlega frusum“ „Maður harkar þetta bara af sér og heldur áfram fyrir liðið“ Uppgjörið: Stjarnan - Haukar 73 - 64 | Ótrúleg endurkoma tryggði Stjörnunni oddaleik Mætti eins og Gru í „Despicable Me“ og kláraði síðan Lakers Gaf á sjálfan sig, tróð með látum og fór svo meiddur af velli Úlfarnir með stórsigur í fyrsta leik gegn Suns Þórsarar unnu oddaleikinn og halda áfram í undanúrslit Sjá meira
Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum