Fótbolti

Markaveisla hjá Man. Utd

Henry Birgir Gunnarsson skrifar
Pogba fagnar marki í kvöld.
Pogba fagnar marki í kvöld. vísir/getty
Robin van Persie skoraði fyrir Fenerbahce á sínum gamla heimavelli í kvöld en það gerði lítið því Man. Utd vann leik liðanna, 4-1.

United fékk tvö víti með skömmu millibili í fyrri hálfleik. Frakkarnir Paul Pogba og Anthony Martial skoruðu örugglega úr spyrnunum. Pogba skoraði svo gull af marki með síðustu spyrnu fyrri hálfleiks og afgreiddi þar með leikinn.

Jesse Lingard skoraði svo fjórða markið í upphafi síðari hálfleiks.

Sárabótamark Van Persie kom sjö mínútum fyrir leikslok. Allir áhorfendur klöppuðu fyrir þessari gömlu hetju félagsins.

United er það með komið í annað sæti riðilsins. Með jafn mörg stig og Feyenoord en Feyenoord á innbyrðis leikinn á mill liðanna.




Fleiri fréttir

Sjá meira


×