ŢRIĐJUDAGUR 30. ÁGÚST NÝJAST 23:30

Um 6500 flóttamönnum bjargađ undan ströndum Líbíu

FRÉTTIR

Leicester tapađi stigum á heimavelli í kvöld | Sjáiđ mörkin

 
Enski boltinn
21:30 01. MARS 2016
Leikmenn Leicester fagna.
Leikmenn Leicester fagna. VÍSIR/GETTY

Topplið Leicester City tapaði tveimur stigum á heimavelli í ensku úrvalsdeildinni í kvöld þegar liðið gerði 2-2 jafntefli við West Bromwich Albion.

Leicester-liðið gæti því misst toppsætið til Tottenham á morgun takist leikmönnum Tottenham að vinna West Ham á útivelli.

Bæði liðin komust yfir í fyrri hálfleiknum en á endanum var það aukaspyrnumark Craig Gardner sem tryggði West Brom stig.

Leicester-liðið sótti mikið í lokin en náði ekki að skora sigurmark eins og liðið hefur gert svo oft í undanförnum leikjum sínum. Liðið fékk fjölda færa til að skora fleiri mörk og átti meðal annars tvo skalla í slá í leiknum.

Andy King kom inn fyrir hinn meidda N'Golo Kanté hjá Leicester og það er óhætt að segja að King hafi látið til sín taka í fyrri hálfleiknum með því að skora og leggja upp mark í leiknum.

West Bromwich liðið byrjaði þó betur og José Salomón Rondón kom liðinu í 1-0 eftir ellefu mínútna leik.

Leikmenn Leicester létu þessa slæmu byrjun ekki slá sig útaf laginu og Jamie Vardy var nálægt því að jafna metin þegar hann skallaði í slána á 27. mínútu.

Danny Drinkwater skoraði hinsvegar jöfnunarmarkið fjórum mínútum síðar en hafði heppnina með sér því langskot hans fór af varnarmanni WBA. Andy King átti sendinguna á hann.

Andy King skoraði síðan sjálfur í uppbótartíma fyrri hálfleiksins eftir að hafa fengið frábæra hælspyrnu frá Riyad Mahrez. Það var ellefta markið sem Riyad Mahrez leggur upp í deildinni.

WBA byrjaði seinni hálfleikinn eins og þann fyrri eða með því að skora. Craig Gardner jafnaði metin á 50. mínútu með skoti beint úr aukaspyrnu.

Leicester-liðið var nálægt því að skora sigurmarkið í lokin en hafði ekki heppnina með sér fyrir framan markið.


Ţrjú mörk í fyrri hálfleik í leik WBA og Leicester


Craig Gardner jafnar međ skoti beint úr aukaspyrnu
  • Bein lýsing
  • Liđin
  • Tölfrćđi



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Leicester tapađi stigum á heimavelli í kvöld | Sjáiđ mörkin
Fara efst