Umfjöllun: Kósóvó - Ísland 1-2 | Snilldartaktar Gylfa skiluðu þrem stigum Henry Birgir Gunnarsson skrifar 24. mars 2017 21:30 Ísland er komið upp í 2. sæti I-riðils í undankeppni HM 2018 eftir 1-2 útisigur á Kósóvó í kvöld. Það voru gerðar áhugaverðar breytingar á íslenska liðinu því Jón Daði Böðvarsson missti óvænt sæti sitt í liðinu. Frammi voru þeir Viðar Örn Kjartansson og Björn Bergmann Sigurðarson. Kári Árnason og Ragnar Sigurðsson voru svo í hjarta varnarinnar þó svo Kári sé búinn að vera meiddur og Ragnar lítið spilað. Þeir hafa þó aldrei svikið landsliðið og alltaf traustir þar saman. Íslenska liðið byrjaði leikinn ekki beint af krafti. Leikmenn voru silkislakir og yfirvegaðir og það vantaði alla ákefð í liðið. Heimamenn komu aftur á móti brjálaðir til leiks, pressuðu íslenska liðið en þó án þess að skapa sér veruleg færi. Maður fékk á tilfinninguna að íslenska liðið ætlaði að leyfa heimamönnum að blása og taka svo yfir leikinn þegar mesti móðurinn væri af þeim. Þegar þú ert með Gylfa Þór Sigurðsson í þínu liði er það góð hugmynd. Það var nefnilega Gylfi sem sá til þess að íslenska liðið var 2-0 yfir í hálfleik. Á 25. mínútu átti Gylfi gott skot að marki sem markvörður Kósóvó varði út í teiginn. Þar beið Björn Bergmann Sigurðarson og hann gat ekki annað en skorað í tómt markið. Hans fyrsta landsliðsmark og um leið varð hann fjórði bróðirinn í fjölskyldunni sem skorar A-landsliðsmark. Það hafa hálfbræður hans Þórður, Bjarni og Jóhannes Karl Guðjónssynir einnig gert. Markið kom þó nokkuð gegn gangi leiksins en fjórum mínútum áður hafði Kósóvó átti skot í slá. Íslendingum var alveg sama. 1-0 fyrir okkur. Tæpum tíu mínútum síðar átti Gylfi algjöra gullsendingu inn í teiginn á Birki Má Sævarsson. Varnarmaður heimamanna braut á Birki og víti réttilega dæmt. Gylfi steig á punktinn og skoraði af gríðarlegu öryggi. 2-0 fyrir Ísland og gæði Gylfa Þórs voru munurinn á liðunum. Kósóvarnir tóku það ekki í mál að gefast upp og þeir hófu síðari hálfleik af krafti. Á þriðju mínútu síðari hálfleiks var mark tekið af þeim og það færði þeim bara enn meiri kraft. Fjórum mínútum síðar var Kósóvó búið að minnka muninn með skallamarki. Ari Freyr missti af Nuhiu og hann skoraði með fínum skalla í markið. Spenna komin í leikinn. Kósóvar seldu sig dýrt en strákarnir okkar héldu þeim vel frá markinu og voru ekkert að taka allt of miklar áhættur í sókninni. Þetta var kannski ekki fallegur sigur hjá íslenska liðinu en að því er ekki spurt. Liðið gerði nákvæmlega það sem þurfti að gera gegn hættulegum andstæðingi og sótti þrjú afar dýrmæt stig. Munurinn í liðunum lá í snilld Gylfa Sigurðssonar þegar upp var staðið. Hann skoraði annað markið og glæsisending hans varð þess valdandi að liðið fékk víti. Hann átti líka skotið þar sem fyrra markið kom upp úr. Það voru fleiri góðir í liðinu og vörnin hélt eftir erfiða byrjun í upphafi síðari hálfleiks. Aron batt liðið saman og skipulagið hélt nokkuð vel. Íslenska liðið var ekki að spila sinn besta leik en tók þrjú stig og það er gríðarlegur styrkleiki. Þrjú stig í pokann og áfram gakk í næsta leik. HM 2018 í Rússlandi Mest lesið „Þetta er töfrum líkast“ Fótbolti Romário tekur fram skóna til að spila með syninum Fótbolti Real sló meistarana úr leik eftir vítakeppni Fótbolti „Ég get ekki fundið réttu orðin“ Fótbolti „Við bara fóðruðum dýrið og dýrið borðaði“ Körfubolti „Sem betur fer var leikurinn bara 40 mínútur í dag“ Körfubolti Kimmich tryggði Bayern sæti í undanúrslitum Fótbolti „Þær skoruðu full auðveldlega á okkur í dag“ Körfubolti Þróttarar kjósa um nýtt merki Íslenski boltinn Uppgjörið: Keflavík - Fjölnir 88-72 | Deildarmeistararnir flugu í undanúrslit Körfubolti Fleiri fréttir Romário tekur fram skóna til að spila með syninum „Þetta er töfrum líkast“ „Ég get ekki fundið réttu orðin“ Real sló meistarana úr leik eftir vítakeppni Kimmich tryggði Bayern sæti í undanúrslitum Öruggt hjá Chelsea sem jafnaði City á toppnum Þrenna frá Maríu þegar Fortuna flaug í bikarúrslit Þróttarar kjósa um nýtt merki Forseti Frakklands setur pressu á Real Madrid Arteta segir að sigur á Bayern myndi breyta Arsenal Ætla prófa að refsa markvörðum með innköstum eða hornspyrnum Xavi: Dómarinn var lélegur og eyðilagði einvígið Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Lyngby gengur frá kaupunum á Andra: Mætir brosandi á æfingar Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það Sjáðu mörkin þegar draumur spænsku liðanna breyttist í martröð Vann sig upp úr þunglyndi með sænskum hugarþjálfara: „Ég varð bara önnur manneskja“ Rugluðust alveg og réðust á rútu með eigin leikmönnum Segir að nú sé komið að Mbappé „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Dortmund í undanúrslit í skemmtilegasta leik síðari ára Sjö mínútna kafli eyðilagði Evrópudrauma Börsunga Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Sjá meira
Ísland er komið upp í 2. sæti I-riðils í undankeppni HM 2018 eftir 1-2 útisigur á Kósóvó í kvöld. Það voru gerðar áhugaverðar breytingar á íslenska liðinu því Jón Daði Böðvarsson missti óvænt sæti sitt í liðinu. Frammi voru þeir Viðar Örn Kjartansson og Björn Bergmann Sigurðarson. Kári Árnason og Ragnar Sigurðsson voru svo í hjarta varnarinnar þó svo Kári sé búinn að vera meiddur og Ragnar lítið spilað. Þeir hafa þó aldrei svikið landsliðið og alltaf traustir þar saman. Íslenska liðið byrjaði leikinn ekki beint af krafti. Leikmenn voru silkislakir og yfirvegaðir og það vantaði alla ákefð í liðið. Heimamenn komu aftur á móti brjálaðir til leiks, pressuðu íslenska liðið en þó án þess að skapa sér veruleg færi. Maður fékk á tilfinninguna að íslenska liðið ætlaði að leyfa heimamönnum að blása og taka svo yfir leikinn þegar mesti móðurinn væri af þeim. Þegar þú ert með Gylfa Þór Sigurðsson í þínu liði er það góð hugmynd. Það var nefnilega Gylfi sem sá til þess að íslenska liðið var 2-0 yfir í hálfleik. Á 25. mínútu átti Gylfi gott skot að marki sem markvörður Kósóvó varði út í teiginn. Þar beið Björn Bergmann Sigurðarson og hann gat ekki annað en skorað í tómt markið. Hans fyrsta landsliðsmark og um leið varð hann fjórði bróðirinn í fjölskyldunni sem skorar A-landsliðsmark. Það hafa hálfbræður hans Þórður, Bjarni og Jóhannes Karl Guðjónssynir einnig gert. Markið kom þó nokkuð gegn gangi leiksins en fjórum mínútum áður hafði Kósóvó átti skot í slá. Íslendingum var alveg sama. 1-0 fyrir okkur. Tæpum tíu mínútum síðar átti Gylfi algjöra gullsendingu inn í teiginn á Birki Má Sævarsson. Varnarmaður heimamanna braut á Birki og víti réttilega dæmt. Gylfi steig á punktinn og skoraði af gríðarlegu öryggi. 2-0 fyrir Ísland og gæði Gylfa Þórs voru munurinn á liðunum. Kósóvarnir tóku það ekki í mál að gefast upp og þeir hófu síðari hálfleik af krafti. Á þriðju mínútu síðari hálfleiks var mark tekið af þeim og það færði þeim bara enn meiri kraft. Fjórum mínútum síðar var Kósóvó búið að minnka muninn með skallamarki. Ari Freyr missti af Nuhiu og hann skoraði með fínum skalla í markið. Spenna komin í leikinn. Kósóvar seldu sig dýrt en strákarnir okkar héldu þeim vel frá markinu og voru ekkert að taka allt of miklar áhættur í sókninni. Þetta var kannski ekki fallegur sigur hjá íslenska liðinu en að því er ekki spurt. Liðið gerði nákvæmlega það sem þurfti að gera gegn hættulegum andstæðingi og sótti þrjú afar dýrmæt stig. Munurinn í liðunum lá í snilld Gylfa Sigurðssonar þegar upp var staðið. Hann skoraði annað markið og glæsisending hans varð þess valdandi að liðið fékk víti. Hann átti líka skotið þar sem fyrra markið kom upp úr. Það voru fleiri góðir í liðinu og vörnin hélt eftir erfiða byrjun í upphafi síðari hálfleiks. Aron batt liðið saman og skipulagið hélt nokkuð vel. Íslenska liðið var ekki að spila sinn besta leik en tók þrjú stig og það er gríðarlegur styrkleiki. Þrjú stig í pokann og áfram gakk í næsta leik.
HM 2018 í Rússlandi Mest lesið „Þetta er töfrum líkast“ Fótbolti Romário tekur fram skóna til að spila með syninum Fótbolti Real sló meistarana úr leik eftir vítakeppni Fótbolti „Ég get ekki fundið réttu orðin“ Fótbolti „Við bara fóðruðum dýrið og dýrið borðaði“ Körfubolti „Sem betur fer var leikurinn bara 40 mínútur í dag“ Körfubolti Kimmich tryggði Bayern sæti í undanúrslitum Fótbolti „Þær skoruðu full auðveldlega á okkur í dag“ Körfubolti Þróttarar kjósa um nýtt merki Íslenski boltinn Uppgjörið: Keflavík - Fjölnir 88-72 | Deildarmeistararnir flugu í undanúrslit Körfubolti Fleiri fréttir Romário tekur fram skóna til að spila með syninum „Þetta er töfrum líkast“ „Ég get ekki fundið réttu orðin“ Real sló meistarana úr leik eftir vítakeppni Kimmich tryggði Bayern sæti í undanúrslitum Öruggt hjá Chelsea sem jafnaði City á toppnum Þrenna frá Maríu þegar Fortuna flaug í bikarúrslit Þróttarar kjósa um nýtt merki Forseti Frakklands setur pressu á Real Madrid Arteta segir að sigur á Bayern myndi breyta Arsenal Ætla prófa að refsa markvörðum með innköstum eða hornspyrnum Xavi: Dómarinn var lélegur og eyðilagði einvígið Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Lyngby gengur frá kaupunum á Andra: Mætir brosandi á æfingar Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það Sjáðu mörkin þegar draumur spænsku liðanna breyttist í martröð Vann sig upp úr þunglyndi með sænskum hugarþjálfara: „Ég varð bara önnur manneskja“ Rugluðust alveg og réðust á rútu með eigin leikmönnum Segir að nú sé komið að Mbappé „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Dortmund í undanúrslit í skemmtilegasta leik síðari ára Sjö mínútna kafli eyðilagði Evrópudrauma Börsunga Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Sjá meira