Hver þáttur af Endeavour eins og kvikmynd að lengd Sara McMahon skrifar 17. september 2016 10:00 Börkur Sigþórsson ásamt leikurum þáttarins, þeim Shaun Evans, Roger Allam, Dakota Blue Richards og Sean Rigby. Mynd/Magni Ágústsson Leikstjórinn Börkur Sigþórsson hefur verið á Englandi frá því í júní við tökur á sjónvarpsþáttaröðinni Endeavour. Þættirnir fjalla um lögreglufulltrúann Morse á yngri árum og með aðalhlutverk fara Shaun Evans og Roger Allam. Börkur var einn fjögurra leikstjóra spennuþáttanna Ófærðar, sem fóru sigurför um heiminn síðasta vetur, og hefur verkefnum rignt yfir hann síðan; á meðal þeirra var þetta. „Ég er búinn að vera með annan fótinn úti í London í nokkur ár og er með enskan umboðsmann en eftir að Ófærð var sýnd í Bretlandi jókst eftirspurnin eftir mér töluvert. Þannig það mætti segja að þetta verkefni hafi komið inn til mín vegna velgengni Ófærðar,“ segir Börkur. Næsta þáttaröð Endeavour telur fjóra þætti og leikstýrir Börkur þeim þriðja. Hver þáttur er 90 mínútur að lengd og krefst mikils undirbúnings, þá helst við val á leikurum og tökustöðum. „Hver þáttur af Endeavour er sjálfstæð saga og eins og kvikmynd að lengd, sem er virkilega spennandi fyrir leikstjóra að gera. Ferlið er mjög ólíkt því sem á sér stað til dæmis við tökur á framhaldsþáttum líkt og Ófærð, þar sem maður tekur við söguþræði frá öðrum leikstjóra – nokkuð sem krefst mikils samstarfs og samhæfingar milli leikstjóra og er mjög lærdómsríkt,“ útskýrir hann. Tökur á þættinum hófust í lok síðasta mánaðar og stóðu í rúmar fimm vikur. Að sögn Barkar ríkti góður andi á tökustað og ber hann aðalleikurunum tveimur vel söguna. „Leikararnir tóku manni opnum örmum og voru fagmenn fram í fingurgóma. Ég var náttúrulega að koma inn í þriðja þátt og teymið því orðið vel smurt þegar ég tek við. Það eina sem gekk erfiðlega var það að ég hafði tilhneigingu til að kalla persónu Roger Allams Friday (föstudagur), en hún heitir Fred Thursday (fimmtudagur). Þetta var einhver meinloka hjá mér og var hætt að vera fyndið undir lokinn. Þetta var mjög skemmtilegt verkefni en mikil keyrsla enda mikið efni sem þurfti að skjóta á frekar stuttum tíma miðað er við lengd handritsins.“ Í vetur mun Börkur leikstýra sinni fyrstu kvikmynd í fullri lengd og verður hún framleidd af framleiðslufyrirtækinu RVK Studios og Agnesi Johansen. Auk þess bíða hans nokkur erlend verkefni. Inntur eftir því hvort hann sé þá endanlega búinn að skipta ljósmyndun út fyrir leikstjórn, segir Börkur að starfsgreinarnar kallist á og því muni hann aldrei segja skilið við ljósmyndun. „Ljósmyndunin er stór partur af mér og ég hef ekki sagt skilið við hana, en faglegur fókus er á leikstjórn. Annars vinnur þetta vel saman og ég er alltaf með myndavélina á mér,“ segir hann að lokum. Greinin birtist fyrst í Fréttablaðinu þann 17. september. Bíó og sjónvarp Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Kappakstur milli Hjálmars og Magneu Lífið Tískan sýndi trúnaðarbrest í hruninu Lífið Er sannkölluð Mary Poppins þegar það kemur að töskunni Tíska og hönnun Sandler vinnur að Happy Gilmore 2 Bíó og sjónvarp Fleiri fréttir Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Spáir í spilin: „Alveg eins hægt að afhenda Nolan styttuna nú þegar“ Hryllingsmyndin um Bangsímon valin sú versta á Razzie-verðlaununum Hámhorfið: Hvað er kvikmyndagerðafólkið að horfa á? Fyrsta stikla Fallout lítur dagsins ljós Dauðvona maður horfði á Dune 2 í fartölvu leikstjórans Hámhorfið: Hvað eru Æði strákarnir að horfa á? Liam Neeson í nýrri Naked Gun í stað Leslie Nielsen Costner veðjar öllu á sjálfan sig Star Trek-stjarna látin Hámhorfið: Hvað eru plötusnúðar að horfa á? Ný þáttaröð af True Detective væntanleg Hámhorfið: Hvað eru barþjónar að horfa á? Hámhorfið: Hvað eru leikkonur landsins að horfa á? Ætla að gera sigurgöngu Aegon hins fyrsta skil Sjá meira
Leikstjórinn Börkur Sigþórsson hefur verið á Englandi frá því í júní við tökur á sjónvarpsþáttaröðinni Endeavour. Þættirnir fjalla um lögreglufulltrúann Morse á yngri árum og með aðalhlutverk fara Shaun Evans og Roger Allam. Börkur var einn fjögurra leikstjóra spennuþáttanna Ófærðar, sem fóru sigurför um heiminn síðasta vetur, og hefur verkefnum rignt yfir hann síðan; á meðal þeirra var þetta. „Ég er búinn að vera með annan fótinn úti í London í nokkur ár og er með enskan umboðsmann en eftir að Ófærð var sýnd í Bretlandi jókst eftirspurnin eftir mér töluvert. Þannig það mætti segja að þetta verkefni hafi komið inn til mín vegna velgengni Ófærðar,“ segir Börkur. Næsta þáttaröð Endeavour telur fjóra þætti og leikstýrir Börkur þeim þriðja. Hver þáttur er 90 mínútur að lengd og krefst mikils undirbúnings, þá helst við val á leikurum og tökustöðum. „Hver þáttur af Endeavour er sjálfstæð saga og eins og kvikmynd að lengd, sem er virkilega spennandi fyrir leikstjóra að gera. Ferlið er mjög ólíkt því sem á sér stað til dæmis við tökur á framhaldsþáttum líkt og Ófærð, þar sem maður tekur við söguþræði frá öðrum leikstjóra – nokkuð sem krefst mikils samstarfs og samhæfingar milli leikstjóra og er mjög lærdómsríkt,“ útskýrir hann. Tökur á þættinum hófust í lok síðasta mánaðar og stóðu í rúmar fimm vikur. Að sögn Barkar ríkti góður andi á tökustað og ber hann aðalleikurunum tveimur vel söguna. „Leikararnir tóku manni opnum örmum og voru fagmenn fram í fingurgóma. Ég var náttúrulega að koma inn í þriðja þátt og teymið því orðið vel smurt þegar ég tek við. Það eina sem gekk erfiðlega var það að ég hafði tilhneigingu til að kalla persónu Roger Allams Friday (föstudagur), en hún heitir Fred Thursday (fimmtudagur). Þetta var einhver meinloka hjá mér og var hætt að vera fyndið undir lokinn. Þetta var mjög skemmtilegt verkefni en mikil keyrsla enda mikið efni sem þurfti að skjóta á frekar stuttum tíma miðað er við lengd handritsins.“ Í vetur mun Börkur leikstýra sinni fyrstu kvikmynd í fullri lengd og verður hún framleidd af framleiðslufyrirtækinu RVK Studios og Agnesi Johansen. Auk þess bíða hans nokkur erlend verkefni. Inntur eftir því hvort hann sé þá endanlega búinn að skipta ljósmyndun út fyrir leikstjórn, segir Börkur að starfsgreinarnar kallist á og því muni hann aldrei segja skilið við ljósmyndun. „Ljósmyndunin er stór partur af mér og ég hef ekki sagt skilið við hana, en faglegur fókus er á leikstjórn. Annars vinnur þetta vel saman og ég er alltaf með myndavélina á mér,“ segir hann að lokum. Greinin birtist fyrst í Fréttablaðinu þann 17. september.
Bíó og sjónvarp Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Páll Óskar genginn í það heilaga: „Besti dagur lífs okkar“ Lífið Kastast í kekki milli Carragher og kærastans Lífið Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Kappakstur milli Hjálmars og Magneu Lífið Tískan sýndi trúnaðarbrest í hruninu Lífið Er sannkölluð Mary Poppins þegar það kemur að töskunni Tíska og hönnun Sandler vinnur að Happy Gilmore 2 Bíó og sjónvarp Fleiri fréttir Sandler vinnur að Happy Gilmore 2 „Hann er með svona Connery áru yfir sér“ Spennuþáttaröðin Reykjavík Fusion í framleiðslu í sumar Báðar fylkingar House of the Dragon fá sína stiklu Bað hennar við sólsetrið á 100 mánaða afmælinu Nýir Star Wars þættir líta dagsins ljós Sagður vera næsti James Bond Sá Dune tvö hundruð sinnum og er búinn að fara nítján sinnum á Dune 2 í bíó Hámhorfið: Hvað eru listakonur landsins að horfa á? Heimaleikurinn með enn önnur verðlaunin í Glasgow Spáir í spilin: „Alveg eins hægt að afhenda Nolan styttuna nú þegar“ Hryllingsmyndin um Bangsímon valin sú versta á Razzie-verðlaununum Hámhorfið: Hvað er kvikmyndagerðafólkið að horfa á? Fyrsta stikla Fallout lítur dagsins ljós Dauðvona maður horfði á Dune 2 í fartölvu leikstjórans Hámhorfið: Hvað eru Æði strákarnir að horfa á? Liam Neeson í nýrri Naked Gun í stað Leslie Nielsen Costner veðjar öllu á sjálfan sig Star Trek-stjarna látin Hámhorfið: Hvað eru plötusnúðar að horfa á? Ný þáttaröð af True Detective væntanleg Hámhorfið: Hvað eru barþjónar að horfa á? Hámhorfið: Hvað eru leikkonur landsins að horfa á? Ætla að gera sigurgöngu Aegon hins fyrsta skil Sjá meira