Innlent

Hvar eru konurnar?

Sunna Karen Sigurþórsdóttir skrifar
Frá afhendingu Bleiku slaufunnar í dag frá vinstri: Liselotte Widing,  Dóra S. Júlíussen, Gunnar Örn Guðmundsson, Ragnheiður Haraldsdóttir, Jóna Ólafsdóttir, Martha Ernstsdóttur og Ólöf Björk Jóhannsdóttir.
Frá afhendingu Bleiku slaufunnar í dag frá vinstri: Liselotte Widing, Dóra S. Júlíussen, Gunnar Örn Guðmundsson, Ragnheiður Haraldsdóttir, Jóna Ólafsdóttir, Martha Ernstsdóttur og Ólöf Björk Jóhannsdóttir.
Fyrstu Bleiku slaufurnar voru afhentar í dag en átakið sjálft hefst formlega á morgun. Þetta er í fimmtánda sinn sem leitað er eftir stuðningi landsmanna við verkefni Krabbameinsfélagsins vegna krabbameina hjá konum og er markmiðið að selja 50 þúsund slaufur. Að auki hefur leitin komið í veg fyrir erfiða meðferð, en í leitinni má finna forstig sjúkdómsins. Nú deyja að meðaltali um tvær konur á ári úr leghálskrabbameini en reikna mætti með að þær væru um 20 ef ekki væri boðið upp á leit hér á landi.  

50 ár eru síðan leit að leghálskrabbameini hófst og er talið að Íslendingar hefðu misst rúmlega sex hundruð fleiri konur úr sjúkdómnum hefði hennar ekki notið við. Enn svarar þó aðeins um helmingur kvenna kalli Krabbameinsfélagsins og mætir reglulega í skoðun svo lögð verður áhersla á að ná til þeirra sem ekki mæta. Á næstu vikum verður því auglýst sérstaklega eftir þessum konum í fjölmiðlum undir yfirskriftinni „Hvar eru konurnar?“

1. Bleika slaufan 2014 er hönnuð af Stefáni Boga Stefánssyni hönnuði og gull-og silfursmið sem segir að hún hafi mjúka hringlaga lögun sem vísi til umhyggju og verndar og bleiki steinninn í enda slaufunnar sé sem lítil skínandi heillastjarna.
„Nú í bleikum október leggjumst við öll á eitt og fögnum því sem við getum sjálf lagt af mörkum til eigin heilsu og heilbrigðis. Þiggjum boð um mætingu í Leitarstöðina og hvetjum allar konur sem á vegi okkar verða til að gera slíkt hið sama,“ segir Ragnheiður Haraldsdóttir forstjóri Krabbameinsfélags Íslands.

Bleika slaufan 2014 er hönnuð af Stefáni Boga Stefánssyni hönnuði og gull- og silfursmið, sem rekur gullsmiðjuna Metal design en hann vann hönnunarsamkeppni sem haldin var í samstarfi við íslenska gullsmiði fyrr á árinu. 




Fleiri fréttir

Sjá meira


×