Hvaða eiginleikum búa leiðtogarnir yfir?

Vísir Innlent 10. mars 2011 11:58

Markaðsrannsóknafyrirtækið MMR hefur kannað álit almennings til persónueiginleika nokkurra stjórnmálaleiðtoga. Svarendur voru beðnir um að meta hvort nokkur persónueinkenni ættu við viðkomandi eða ekki.

„35,7% þeirra sem tóku afstöðu sem töldu Birgittu Jónsdóttur, fyrrverandi þinghópsformann Hreyfingarinnar, hafa þann eiginleika að standa við eigin sannfæringu og 22,9% töldu hana í tengslum í almenning. Hins vegar voru eingöngu 1,1% þeirra sem tóku afstöðu sem sögðu að Birgitta væri fæddur leiðtogi," segir í tilkynningu frá MMR um málið.

Þá voru 36,6% þeirra sem tóku afstöðu sem sögðu Steingrím J. Sigfússon, fjármálaráðherra, vera ákveðinn, 29,2% töldu hann sterkan einstakling, 25,8% sögðu hann vinna vel undir álagi. „Töluvert færri eða 9,5% þeirra sem tóku afstöðu töldu hins vegar að Steingrímur væri í tengslum við almenning," segir ennfremur.

Jóhanna er ákveðin en skortir persónutöfra

Helstu eiginleikar Jóhönnu Sigurðardóttur forsætisráðherra eru sagðir vera þeir að hún er ákveðin og stendur við eigin sannfæringu en um 26% voru á þessari skoðun. „Aftur á móti voru einungis 5,4% sem töldu hana vera í tengslum við almenning og 1,8% töldu hana gædda persónutöfrum."

Jón Gnarr borgarstjóri var á meðal þeirra sem spurt var um og taldi tæpur þriðjungur þeirra sem tóku afstöðu hann gæddan persónutöfrum eða heiðarlegan og um fjórðungur sagði hann í tengslum við almenning. „Á móti voru um og yfir fimm prósent þeirra sem tóku afstöðu sem töldu Jón sterkan einstakling (5,6%) eða ákveðinn (5,0%) og 3,5% þeirra sem tóku afstöðu töldu að Jón ynni vel undir álagi."

Ekkert á við um Jöhönnu og Steingrím segir helmingur

Tæpur fimmtungur þeirra sem tóku afstöðu sögðu Bjarna Benediktsson, formann Sjálfstæðisflokksins, gæddan persónutöfrum og 17,1% sögðu hann vera sterkan einstakling. Einungis 7% voru hinsvegar á því að hann væri í tengslum við almenning.

„Jóhanna Sigurðardóttir, forsætisráðherra, og Sigmundur Davíð Gunnlaugsson, formaður Framsóknarflokksins, voru þeir stjórnmálamenn sem flestir, eða tæp 52% þeirra sem tóku afstöðu, sögðu að byggju ekki yfir neinum af þeim eiginleikum sem spurt var um," segir að lokum.

Til baka

Hvaða eiginleikum búa leiðtogarnir yfir?

Fleiri fréttir - Innlent

Fréttir eftir mánuði

2012

2011

2010

2009

2008

2007

2006

2005

2004