Húnaþing áminnt vegna sorpurðunar

Húnaþing vestra hefur fengið áminningu frá Umhverfisstofnun vegna aðstæðna á sorpurðunarstað að Syðri Kárastöðum.

Áminnt er fyrir frávik frá kröfum um verndun jarðvegs, grunn- og yfirborðsvatns með jarðfræðilegum tálma og botnþéttingu á urðunarstöðum.

„Umhverfisstofnun veitir Húnaþingi vestra frest til að stöðva urðun á svæðinu og senda Umhverfisstofnun staðfestingu þess eðlis til og með 6. október 2014,“ segir um málið í fundargerð byggðaráðs Húnaþings vestra.