Lífið

Hulda Bjarna greindist með BRCA genið og lét fjarlægja brjóstin og eggjastokkana umsvifalaust

Stefán Árni Pálsson skrifar
Huldu voru gefnar 50 til 90 prósenta líkur á því að fá krabbamein miðað við fjölskyldusögu hennar en móðir hennar, móðuramma og systrahópur innan fjölskyldunnar er látin.
Huldu voru gefnar 50 til 90 prósenta líkur á því að fá krabbamein miðað við fjölskyldusögu hennar en móðir hennar, móðuramma og systrahópur innan fjölskyldunnar er látin. Vísir/Anton Brink
Hulda Bjarnadóttir, framkvæmdastjóri alþjóðasviðs Viðskiptaráðs og fyrrum fjölmiðlakona tók ákvörðun fyrir rúmu ári síðan um að láta fjarlægja bæði brjóst sín og eggjastokka í framhaldi af því að hún greindist með BRCA genið sem getur valdið brjóstakrabba.

Hulda fer yfir málið í febrúar tölublaði MAN sem kemur í verslanir á morgun.

Huldu voru gefnar 50 til 90 prósenta líkur á því að fá krabbamein miðað við fjölskyldusögu hennar en móðir hennar, móðuramma og systrahópur innan fjölskyldunnar er látin. 

Ekki erfið ákvörðun

Hún segir ákvörðunina ekki hafa verið erfiða eftir að þrjú af fjórum systkinum greindust arfberar í kjölfar greiningar móður þeirra og lagðist undir hnífinn undir lok síðasta árs. 

Hún segir umræðuna í kringum það  þegar leikkonan Angelina Jolie fór í sams konar aðgerð hafa verið á villigötum þar sem fólk virtist helst vilja vita hvort hún væri komin með brjóst á ný. 

„Það að vera kynvera er svo mikið meira en það hvort maður er með brjóst, eða ör. Mér þykir mjög vænt um barminn minn og hefur alltaf þótt, hvernig sem brjóst mín hafa litið út.

Vill að konur kanni hvort þær séu með genið

Hulda segir tilganginn með viðtalinu vera að benda konum á að kanna hvort þær séu arfberar. 

„Ef ég get með þessu viðtali orðið til þess að ein af þessum 1200 íslensku BRCA berum lætur taka blóðprufu og kemst að því að krabbameinsgenið er farið að stökkbreytast er þróast eða ef hægt er að koma í veg fyrir ótímabært andlát eða erfiða margra ára meðferð - sem mun kosta þær fjölskyldur og ríkið margfalt meira, þá finnst mér þetta viðtal þess virði og ég dey sáttari ef ég veit að þessi umræða skilar sér í þá átt.”






Fleiri fréttir

Sjá meira


×