Hugo Þórisson mætir á Stöð 2 á sunnudaginn

Vísir Stöð 2 13. febrúar 2012 13:36

Sálfræðingurinn Hugo Þórisson.

Einn besti fyrirlesari landsins, Hugo Þórisson, verður með tvo vandaða og skemmtilega þætti á Stöð 2. Hugo er sálfræðingur að mennt og hefur um árabil haldið námskeið um samskipti forelda og barna. Í þáttunum ræðir hann helstu hugmyndir sínar við áhorfendur og talar m.a. um algenga hluti sem foreldrar segja gjarnan við börnin sín. Þetta eru oft setningar sem gagnast illa við uppeldi.

Hugo hefur einstakt lag á að spjalla á skemmtilegan og fræðandi hátt við áhorfendur um uppeldi. Ennfremur eru í þáttunum stutt viðtöl þar sem sjónvarpsmaðurinn Þorsteinn J. ræðir við Hugo og spyr hann nánar út í einstök atriði í fyrirlestrinum.

Hugo hefur starfað að bættum samskiptum barna og foreldra í yfir 30 ár og hjálpað ótal fjölskyldum. Í fyrra kom út metsölubókin Hollráð Hugos þar sem hann deilir reynslu sinni og útskýrir á einlægan og líflegan hátt hugmyndir sínar um uppeldi. Þættinir eru að hluta byggðir á þessum hugmyndum sem miða að því að hjálpa foreldrum að gera samskipti við börn sín bæði uppbyggilegri og skemmtilegri.

Fyrri þátturinn er á dagskrá Stöðvar 2 sunnudaginn 19. febrúar klukkan 19:15.

Til baka